"Darusleyမြို့ရဲ့ မြောက်ပိုင်းအစွန်း ကုန်းမြင့်ပေါ်မှာ နန်းတော်တမျှခမ်းနားလှတဲ့ စံအိမ်ကြီးတစ်အိမ်တည်ရှိခဲ့တယ်...."
စိတ်ဝင်စားမှုကြောင့် Taehyung၏ မျက်လုံးများကအရောင်တလက်လက်။
"အဲ့ဒီစံအိမ်တော်ကြီး နာမည်က "Windamia"တဲ့...."
"Windamia....!"
ထိုအမည်နာမအားနှုတ်မှ လိုက်ကာရေရွတ်လိုက်မိသည်။
ဆဠမအာရုံ၏နှိုးဆော်ချက်အရ "Windamia"ဟူသောအမည်နာမအားကြားလိုက်သည်နှင့် ကြက်သီးမွှေးညှင်းများထလာရတာကြောင့် စိတ်ထဲမသိုးမသန့်။
"Windamiaစံအိမ်တော်ကို Jeonမျိုးရိုးကအစဥ်အဆက်ထိန်းသိမ်းခဲ့ကြတယ်....Jeonမိသားစုမှာ သားသမီးသုံးယောက်ထွန်းကားခဲ့တယ်....သားအကြီးဆုံးက JeonJungkookလို့အမည်ရပြီး ဒုတိယမြောက်သမီးက Raven Jeon၊သမီးအငယ်ဆုံးလေးကို Hellen Jeonလို့အမည်တွင်ခဲ့တယ်...."
"တဆိတ်လောက်!..ခုနက Hellenလို့ပြောလိုက်သလားလို့..?"
Taehyungကစကားဖြတ်ကာမေးတော့
"ဟုတ်တယ်လေ...Jeonအိမ်တော်ရဲ့သမီးအငယ်ဆုံးလေးလေ...စိတ်မကောင်းစရာက အသက်ရှစ်နှစ်အရွယ်မှာပဲ အပြင်းဖျားပြီးသေဆုံးသွားခဲ့တယ်..."
ကလေးမအမေကစိတ်မကောင်းဟန်ရှင်းပြသည်။
Taehyungရင်ထဲဒိန်းကနဲ....။Hellen...အဲ့ဒီနာမည်က အိမ်မက်ထဲက ထိတ်လန့်ဖွယ်မျက်နှာနဲ့ကလေးမလေးရဲ့ နာမည်။
"ခဏလောက် မဒမ်..."
Taehyungမိမိအခန်းထဲကိုဒုန်းဆိုင်းပြေးဝင်သွားပြီး ညတုန်းက အိပ်မပျော်၍ ထိုင်ဆွဲခဲ့သော ရုပ်ပုံကားချပ်တစ်ခုအားယူချလာခဲ့သည်။
"သူမက ဒီထဲက ပုံစံအတိုင်းလား..?"
ဆံပင်အရှည် ဂါဝန်အဖြူနှင့် လက်ထဲ၌ ဝက်ဝံရုပ်ကိုကိုင်ကာရပ်နေပါသောကလေးမပုံက ပီပြင်စွာ။မျက်နှာနေရာ၌ ခဲခြစ်ထားပြီးမှုန်ဝါးဝါးသာပုံဖော်ထား၏။
"အိုး!....ဟုတ်တယ်!..သေချာပေါက် အဲ့ဒီလိုပုံစံမျိုးပဲ!...သူမကိုမြင်ဖူးတဲ့သူတွေပြောကြတဲ့ပုံစံက အဲ့လိုမျိုးတဲ့..."
မဒမ်က ပါးစပ်ကိုလက်ဝါးဖြင့်အုပ်ကာအံ့သြနေဟန်ဖြင့် ရုပ်ပုံကားချပ်ကိုကြည့်လိုက် Taehyungကိုတစ်လှည့်ကြည့်လိုက်ဖြင့်....။
YOU ARE READING
The Daisy Diary(Red Eye Of Darkness)
Fanfictionမြို့စွန်က စံအိမ်နီကြီးရယ်၊အသက်ဝင်နေတဲ့ကျိန်စာတွေရယ်...အနီရောင်မျက်ဆန်တွေနှင့်လူတစ်ယောက်...
