ကြီးမားသောသစ်ပင်ကြီးအောက်၌ မောင်ကအသင့်ပါလာသော ဓားမြှောင်တစ်ချောင်းဖြင့်အကိုင်းအခက်များကိုခုတ်ထွင်ရှင်းလင်းကာ ယာယီတဲလေးတစ်ခုဆောက်လုပ်သည်။
Taehyungကထိုအလုပ်တွေနှင့်ရင်းနှီးကျွမ်းဝင်မှုမရှိတာကြောင့် မောင်လုပ်ကိုင်နေသည်များအား ငေးကြည့်ရုံသာ။
မောင်က တော၊တောင်၊ရေမြေနှင့်ပတ်သတ်ပြီးလည်းအကျွမ်းတဝင်ရှိပုံရပါသည်။
ယာယီတဲလေးဆောက်ပြီးသွားတော့ နေတောင်ဝင်လုလု။မောင့်ပုံစံကလည်းချွေးတလုံးလုံးနှင့်ပင်။
"မောင်..အရမ်းမောနေလားဟင်..."
မေးပြီးသွားကာမှကိုယ့်ခေါင်းကိုယ်ထုချင်မိသွားသည်။မောနေတာမြင်လိုက်သားနှင့် "မောနေလား.."ဆိုတော့...တကယ်ပါပဲ။
Taehyungသည်ဘာလုပ်ပေးရမှန်းမသ်ိသည်ကြောင့် လက်ကလေးနဲ့ယပ်ခပ်ပေးသလိုလေးပြုမူမိလိုက်သည်။
မောင့်မျက်နှာချောချောထက်၌ ချွေးစက်တွေတွဲခိုနေတာတောင်ကြည့်လို့ကောင်းတုန်းပင်။
မောင်က Taehyungကိုတစ်ချက်စွေကြည့်ရင်းမှ ခေါင်းယမ်းကာ..
"ကလေးဆန်လိုက်တာ.."ဟူ၍ ခပ်တိုးတိုးရေရွတ်သည်။
ထို့နောက်မောင်က သစ်ကိုင်းခြောက်များအားစုပုံကာ မီးဖိုသည်။
"ညရောက်ရင် တောကောင်ကြီးတွေရန်ကြောက်ရတာမို့ မီးဖိုရမယ်..သူတို့က မီးကြောက်တယ်လေ.."
မီးဖိုနေရင်းမှ Taehyungကိုရှင်းပြနေသေးသည်။
မှောင်စပျိုးလာသောအခါ Taehyungမှာ ဝေးဝေးမှာမထိုင်ရဲပဲမောင့်အနားဝယ် ပူးပူးကပ်ကပ်။မောင်စိတ်ဆိုးသွားမည်စိုး၍ မျက်နှာရိပ်ကြည့်ရသည်ကလည်းအလုပ်တစ်လုပ်။
"ဂွီ~~~"
Taehyungဗိုက်ထဲက ရုတ်တရက်အချက်ပေးသံမြည်လာလျှင် ဗိုက်ကိုဖိနှိပ်မိသွားရသည်။အိမ်ကထွက်လာတုန်းကအစားအနည်းငယ်သာစားလာသည်မို့ဗိုက်က အချက်ပြနေပြီဖြစ်သည်။
"ဗိုက်ဆာနေတာလား.."
"ဟို....."
Taehyungကမောင့်မျက်နှာကြည့်ပြီးပြောဖို့ရာမဝံ့မရဲ။သူကတစ်ခုခုဆို မောင်ညိုညင်မှာသိပ်ကြောက်တာ။
VOUS LISEZ
The Daisy Diary(Red Eye Of Darkness)
Fanfictionမြို့စွန်က စံအိမ်နီကြီးရယ်၊အသက်ဝင်နေတဲ့ကျိန်စာတွေရယ်...အနီရောင်မျက်ဆန်တွေနှင့်လူတစ်ယောက်...
