විනාඩි කිහිපයක් ගත වෙලා කිසිම දෙයක් නොවුනත් ඇවීනා එයාගේ ඇස් තදින්ම වහගෙන හිටියා. මුහුණට දැනෙන උණුසුම් හුස්ම වගේම ඒ හඬත් නිසා ඇවීනාගේ ඇස්වලට කඳුලු එකතු වෙලා තිබුනා. දත් වලට හිර කරගෙන හිටපු වෙව්ලන තොල් ලිහිල් කරපු ඇවීනා හිමින් ඇස් දෙක ඇරියා. තවදුරටත් ඒ අපහසුව විදින්න ඇවීනා අකමැති උනා.
" හ්හම්ම.. ම..මට.. මට රි.. දන්නැතුව.... ම.. මරනවද...? "
හුස්ම වදින දුරකින් හිටපු බය හිතෙන අමුතු කෙනා දිහා බලාගෙන ඇවීනා කිව්වා. එයාගේ රන් කහ පාට ඇස්වල තිබුන දිලිසුම අඩුවෙලා ගිහින් ඇස් පැහැදිලි වුනේ ඇවීනා බලන් ඉද්දිමයි. ඒ මුහුණේ තවදුරටත් බියජනක සිනහවක් නොතිබුනත් ඒ හැඟිම් කියවගන්න බැරි ගුප්ත බවක් පිරිලා තිබුනා.
ඔහුගේ හිසෙහි තිබුන හිස්වැසුම නිසා ඔහුගේ පෙනුම ක්ලවුන් කෙනෙක්ට සමානයි කියලා ඇවීනාට හිතුනා.
' බය හිතෙන ක්ලවුන් බෝයි කෙනෙක්..'
හිස්වැසුමෙන් එළියට ඇවිත් තිබුන කොන්ඩ කෑලි වගේම ඒ ඇස්වල බැලමත්.. මුහුණේ තිබුන තරැණ බවත් නිසා ඇවීනා හිතුවා.
" ඇයි මම ඔයාව මරන්නේ...? "
ඇවීනාගේ වම් කන අසළින් ඔහු තම දකුණු අත ආපහු අරගන්න ගමන් කිව්වා. ඔහුගේ අතෙහි වුන පුංචි සමනලයා දෙස ඇවීනා පුදුමයෙන් බලාසිටියා.
" ඔ...ඔයාට මාව මරන්න ඕන්නැ...ද්ද..? "
ඇවීනා ආයමත් කියද්දි ඔහු සමනලයාගෙන් ඇස් ඉවතට ගෙන ඇවීනා දෙස බැලුවා.
" ඇයි මම ඔයාව මරන්න ඕන ඉතින්..! "
" අහ්හ...ඇයි ඇයි නේද.. ඒත්.. සාමාන්ය පෙට්ටියකින් එන අමුතු බය හිතෙන කෙනා අනික් අයව මරනවා නේද..!! "
ඇවීනා ඇගේ හිතේ තිබුන දෙය කිසිම පැකිලිමකින් තොරව කියද්දි ඔහු නිහඬව බලන් හිටියා.
" බය හිතෙන.. ම්ම.. එහෙනම් මම දැන් ඔයාව මරන්නම්.. !! "
" අහ්හ... නෑ......අහ් නෑ... ඕනේ නැහැ..! "
බෙල්ලත් ඇල කරගත් ඔහු ඇවීනාගේ මුහුණට ලං වෙන ගමන් පැවසුවා. එකවරම ඇවීනා කෑ ගහපු නිසා ඔහු මදක් පසෙකට වුනා.
" ඔයා... කවුද.......? "
" මම දන්නැ...! "
ඇවීනා ඔහුගේ ඇස් දිහාම බලාගෙන අහද්දි මදක් කලබල වුන ඔහු කිව්වා. ඔහුගේ මුහුණ අතරමංවුන හැඟිම්වලින් පිරිලා යන දිහා ඇවීනා අදහාගත නොහැකි දෑස්වලින් බලන් හිටියා.
" මම හීනයක් නෙමෙයි නේද දකින්නේ..!! "
සිදුවන දේවල් විශ්වාස කරගත නොහැකි නිසා ඇවීනා තමාටම පැවසුවා.
පෙට්ටියකින් මතු වුන අමුතු මිනිසෙක්..
අත්භූත සමලයින්..
මායාවකට සමාන දුම් වලාවන්...
" මේවා ඇත්තමද........? "
_______________________________________
YOU ARE READING
HOPE IN THE BOX || JHS || COMPLETED
FanfictionLet Me Be Your Hope Forever.... A Jung Hoseok Fan Fiction. Girl x Boy By_Ayo Start :- 2023.02.11. End :- 2023.03.03.