👼 කෑදරයෝ 😈 (සම්පූර්ණයි) ✅

5-

"නගරේ කැම්පස් එකෙ සුදු නෙළුම් මල
  ඇවිත් ඉන්නවා  අද නිදහසක් නෑ මට
හිතේ දුක කියන්න බැරුව ඇති විට
දැන් යනවා අපි බාර් එකට අද....

ලල ලාලා ලල ලාලා ලලා...." කැම්පස් එකෙ කල්ලිය එකට එකතු වෙලා බජව් දානවා. ඉතින් මම එතන නැත්තම් තමා පුදුමේ. එත් ඉන්නෙ මැනේග්මන්ට් ෆැකල්ටි එකෙනුත් ආතල් දන්න ඌන් විතරයි.

දැන් සති දෙකක් වෙනවා මම තාම අර ගුටි කෙලියෙන් පස්සෙ ඇඹ කොල්ලව දැක්කෙත් නැ. තාත්තාගෙ ටිකට් කපලා දවස් තුනක් මම තාත්තා එක්කම හිටියා. ඉතින් මම ගෙදරින් එළියට බැස්සෙ වත් නෑ. එත් ටොපා මට නෝට් දුන්න නිස අවුලක් වුනෙත් නෑ. තාත්තා හොද වෙලා ඉස්කෝලෙ යන්න ගත්තාමයි මම කැම්පස් එකට ආවේ. හරි හරි මම හොද දරුවෙක් මම එක දන්නවා. එත් අර ඇඹයා... අනිවා කියන්න ඕනේ ඌ පොරක්. නැත්තම් එක පාරටම වෙඩිල්ල වගෙ නැගිටින්නෙ නෑ අර පාරට. එකත් එකක් අර earbuds ගන්න යද්දී නවත්තපු නැවැත්විල්ලෙන්ම මට මිනිහා ගැන තව දැන ගන්න ඕනේ වුනා. හරි හරි එවෙලෙ මම කිව්වා තමයි මට අප්පිරිය වුනා කියලා. මම දැන් කියන දේ විනාඩි තුනකින් වෙනස් කරන ජාතියෙ එකෙක්.

"ආෂු කියපන් සිංදුවක්..." අපේ සෙට් එක ඕක ඔහොමම කියනවා කියන්නෙ බයිලා වගෙ විකෘති කරලා නෙවේ මයික් එකක් එක්ක ආදරේන් පැණි බේරෙන්න කියපන් කියලා. මම කිව්වේ නැද්ද මම සිංදු කියන්න හෙන දක්ෂයි. මම කියන දෙයක් නෙවේ ඒක මට උපතින්ම ඇවිත් තිබ්බේ ගායිකා යසෝධාගෙන්.

"අද මූඩ් එකක් නෑ." මම කිව්වාම ඔක්කොම මගෙ දිහා බැලුවා.

"ඇයි යකෝ."
"මූඩ් එකක් නැත්තම් තමා බූට් සිංදුවක් කියන්න ඕනේ." ටොපා කිව්වාම මමත් ඉතින් ඔන්න ඔහේ කියනවා කියලා හිතුවා.

"හැබැයි මෙහෙමයි මම මේ සිංදුව කියන්නෙ අපේ දසුනිට... උඹලා කැමතිද?"

"අනේ මන්දා අපේ සෙට් එකෙත් ඇන්ටිලා ගහන පොරක් ඉන්නවනෙ කමක් නෑ කියපන්කො."
"හරි අල්ලපන් එනම්..."
"මොකක්ද කෝඩ් එකද?"
"නෑ බං දසුනිව..."

"තෝ පරයා."

ආදරෙ කියලා හිත පිලිගන්නට
නුඹ තනිකර මගෙ වෙන්නම ඕනෙද
තණ්හා ආශා නුඹ ගැන මොකටද
එහෙම දේවල් නෑ හිතේ මගේ....,