ဒီနေ့ ကျောင်းသွားရမည်နေ့မို့ခပ်စောစောထ မနက်စာအတွက်မုန့်ဟင်းခါး ချက်ကာ အဆင်သင့် ပြင်ထားပေးလိုက်သည်။
ကျောင်းသွားရန်လဲအကုန်အဆင်သင့် ပြင်ပြီးပြီးမို့ ကိုကို အတွက် အဝတ်စားထုတ်ပေးကာ သက်ပိုင် အောက်ထပ်၌သာ ကိုကို ကိုထိုင်စောင့်နေလိုက်သည်။
"ဟဲ့!!ဟိုကောင်လေး မနက်စာစားမလို့ ပြင်လိုက်တော့ ။ အေမီလေးကော တစ်ခါထဲစားမယ်ထင်တယ် သပ်သပ်ရပ်ရပ်ပြင်ပေးနော်"
သက်ပိုင် ကျောင်းသို့သွားရန် အဆင်သင့် ဖြစ်နေပြီမိုမလုပ်ချင်တော့ပေ။ အကုန်လုံးအဆင်သင့်ပြင်ပေးပြီပြီမို့ ထည့်စားလိုက်ရုံပဲကို သတ်သတ်မဲ့ လုပ်နေမှန်းသိသာသည်။ စိတ်ညစ်သွားပေ့မယ့် ကိုကိုဧည့်သည်မို့သူမငြင်းနိုင်။
"ဟုတ်ကဲ့"
သက်ပိုင် မုန့်ပွဲများကိုထပ်၍ သပ်သပ်ရပ်ရပ် ပြင်ပေးကာ ကော်ဖီပါအဆင်သင့်ဖျော်ပေးလိုက်သည်။
"အဆင်သင့်ပါပဲ အန်တီ "
"လာ...သမီး မြန်မာမုန့်ဟင်းခါး
လေး စားရအောင် "
"အေမီ ကြိုက်မယ်မထင်ဘူး၊
အေမီကို ထမင်းလေးကြော်ပေး
လို့ရလား တီ"
"ရတာပေါ့ ဟဲ့!!! ဟိုကောင်လေး ကြားရဲ့လား ပြောတာ"
သက်ပိုင် ဒေါသထောင်းခနဲဖြစ်သွားသည်။ တမင်လုပ်မှန်း သိသိကြီးနဲ့ဧည်သည်ဆိုတဲ့အကြောင်းပြချက်နဲ့သည်းခံနေရတာတော့မမိုက်။ဒီအတိုင်းဆိုအင်္ကျီကထပ်လဲရဦး
မည် ။
"ကျစ်!"
သက်ပိုင် ခေါင်းညိတ်ပြလိုက်ပြီးမီးဖို ထဲဝင်ကာထမင်းကြော် ကြော်နေခိုက် ကိုကို ကဆင်းလာသည် ။
ဓန ကော်ဖီတစ်ခွက်ငဲ့လိုက်ပြီးကောင်လေးကိုလိုက်ရှာနေမိသည်။ မီးဖိုထဲတွင် ကျောင်းဝတ်စုံနဲ့တစ်ခုခုချက်နေသည့်မို့ ဓန မျက်မှောင်ကုတ်လိုက်မိသည်။
"ဒေါ်ဒေါ်.... အဆင်ပြေရဲ့လား
အေမီရောညကအိပ်ပျော်ပါရဲ့
လား "
'ဟွန့် သူဟာသူ အိပ်ပျော်မပျော်သူ့အလုပ်လားလျှာကိုရှည်လွန်းတယ် အိပ်မပျော်ရင် သားချော့တေးနဲ့သွား ချော့သိပ်မလို့လား '
YOU ARE READING
"အငြိုးတွေသာပြယ်စေသား"(Complete)
Romanceအငြိုးတွေအမုန်းတွေကြား ချစ်ခြင်းကသာအနိုင်ရမလားဆိုတာကို ခပ်ကြမ်းကြမ်းလေး ခံစားသွားရမှာပါ။ warinng ‼‼‼ကြိုပေးတာမို့ မကြိုက်တဲ့သူများမဖတ်လို့ရပါတယ်
