နံနက်ခင်းလေး ပြတင်းပေါက်တံခါးမှ အတင်းတိုး၍ဝင်ရောက်နေသော နေရောင်ခြည် ဝါဝါလေး တွေ ။ငှက်သံသဲ့သဲ့လေးကြားမိတော့ နွံနိုးလာသည်။
ရင်းနှီးနေသော ချစ်သော၏ကိုယ်သင်းရနံံလေး။မျက်လုံးဖွင့်မိရာ မျက်စိအရှေ့ရှိ ညှပ်ရိုးထင်းထင်းလေးနှင့် လည်တိုင်ကျော့ကျော့လေး။နွံမေတ္တာခဲလေး၏ ပိုင်ဆိုင်မှုလေးပေါ့။
နွံ ကိုယ်အနောက်ရွေ့ကာ သံလွင့်မျက်နှာကို ထိတွေ့ကြည့်နေမိသည်။
ကိုယ်ချစ်ရတဲ့၏မျက်နှာကြည်ကြည်လေးကိုမြင်ထိနေရတာ ကြည်နူးစရာပင် ။"နွံ့မေတ္တာခဲလေးက ချစ်စရာလေး"
အပြစ်ကင်းစင်တဲ့မျက်နှာကြည်ကြည်လေးကို တစိမ့်စိမ့်ကြည့်မိလေလေ ချစ်ခြင်းများနှင့်အတူ စိုးရိမ်စိတ်ကလေးလည်း တိုးဝင်လာမိသည်။
"နွံ ခက်နေရပြီကွယ်...။"
သံလွင့်မျက်နှာနုနုလေးကို ထိတို့ကြည့်မိသည်။မျက်ခမ်းတလှုပ်လှုပ်ဖြစ်လာသည်။မျက်ခုံးနှစ်ဖက်တွန့်ချိုးကာ မျက်လုံးလေ ပွင့်လာသည်။
"နွံ.."
"နွံ ကြားရှိနေပါတယ်ကွယ်"
"နိုးနေတာကြာပြီလား...။ဒါဖြင့်လည်း ဘာလို့ကျွန်မကိုမနိုးလိုက်ရတာလဲ..။"
"နွံ့မေတ္တာခဲလေးကို မနိုးရက်ပါဘူး။တစ်နေ့လုံးပင်ပန်းထားတဲ့ဥစ္စာ ဘယ်နိုးရက်ပါ့မလဲလေ နော်..။"
နွံ့စကားကြောင့် သံလွင်ပြုံးမိသည်။နွံ၏နားထင်အနားရှိ ဆံပင်လေးကို နားအနောက်သို့ ပို့ပေးလိုက်မိသည်။
"အစောကြီး စကားတွေချိုနေလိုက်တာ..။"
"ဒါနဲ့လေ နွံအိပ့်ယာနိုးတုန်းက ငှက်အသံလေးတွေကြားနေရတယ်သိလား...။မဟုတ်မှလွှဲရော အုန်းခွံခြောက်ငှက်အိမ်ထဲ ငှက်တွေအသိုက်လာတည်နေပြီထင်တယ်...။"
"ဟုတ်လား...။ထပြီးမကြည့်လိုက်ဘဲနဲ့"
"အို...နွံက တစ်ယောက်ထဲထမကြည့်နိုင်ပါဘူး...။နွံ့မေတ္တာခဲလေးနဲ့အတူကြည့်မှာပေါ့ သိတယ်မလား...။"
"ဟုတ်ပါပြီ..။အဲ့ဆိုလည်း ထ အခုအတူသွားကြည့်ရအောင်"
ကုတင်ပေါ်မှအတူဆင်းလိုက်သည်။နွံဟာလောနေသည့်ဟန်။သံလွင်ကတော့ ခြင်ထောင်ကိုအပေါ်လှန်တင်ကာ စောင်ထူထူကြီးကို ခေါက်နေလိုက်သည်။
![](https://img.wattpad.com/cover/337514775-288-k597720.jpg)
YOU ARE READING
လေးကျွန်းဆီမီးမှအစတည်သည် {ေလးကြၽန္းဆီမီးမွအစတည္သည္}{Complete }
Actionမကျွံခဲ့မိရင်အကောင်းသား ဆိုတဲ့နောင်တစိတ်သေးသေးကလေးပင် မရခဲ့မိတဲ့ ကျွန်မ ။နွံ...ထိုနွံပေါ့ ။ အချိုကြွယ်သည်။ နွံ+သံလွင်ဦး(ဒေါက်တာ+ကျောင်းဆရာမလေး) U+Z .............. မကြၽံခဲ့မိရင္အေကာင္းသား ဆိုတဲ့ေနာင္တစိတ္ေသးေသးကေလးပင္ မရခဲ့မိတဲ့ ကြၽန္မ ။ႏြံ...ထိုႏြံ...