အခန်း ၅၀ အပိုင်း ၁
တထုံတွင် တိုက်ပွဲများ ထပ်မံဖြစ်ပွားပြီး ဗြောင်ဆန်နေသောသတင်းက နန်းတွင်းသို့ အလျင်အမြန် ရောက်ရှိသွားခဲ့သည်။
"အရှင်မင်းကြီး၊ နဥ်ယွမ်မှူးမတ် ရှုံးနိမ့်ပြီးကတည်းက ဒီစစ်ပွဲက ထိန်းမနိုင်သိမ်းမရ ဖြစ်နေတာပါ၊ အရှင်မင်းမြတ်က ဘယ်သူ့ကိုမှ တာဝန်ခံဖို့ အမိန့်မထုတ်သေးဘူးလား၊ အရှင်မင်းမြတ်က ပြည်သူတွေကို ဘယ်လိုရှင်းပြမှာလဲ"
"ကျင့်ဝတ်ရေးရာဝန်ကြီးရဲ့ ပြောစကားက တကယ့်ကို စိတ်ဝင်စားဖို့ကောင်းတယ်" ပန်းထိုးဝတ်ရုံဝတ်အစောင့်တပ်မှူးက ထိုသူထံသို့ မူးမေ့လဲစေနိုင်လောက်တဲ့ အကြည့်တစ်ချက် ပို့လိုက်ပြီး "နိုင်တာ ရှုံးတာက စစ်မြေပြင်ရဲ့ ဖြစ်ရိုးဖြစ်စဉ်လေ၊ နဥ်ယွမ်မှူးမတ်ကို တာဝန်ခံစေဖို့ တစ်ကြိမ်ထက်ပိုပြီး အရှင်မင်းမြတ်ထံ တောင်းဆိုနေကြတယ်၊ စစ်သည်တွေရဲ့ စိတ်ဓာတ်ကို တည်ငြိမ်အောင် ဘယ်လိုထိန်းရမလဲလို့ ကာကွယ်ရေးဝန်ကြီးကို ဘာလို့ မမေးတာလဲ၊ နဥ်ယွမ်မှူးမတ်က ဒီနေ့မှာ တာဝန်ရှိတယ်ဆိုရင် မနက်ဖြန်မှာ တာဝန်ခံရမယ့် ဗိုလ်ချုပ်ကို အရှင်မင်းမြတ်ကို ထပ်ပြီး ခန့်အပ်ခိုင်းမှာလား၊ အားလုံးက တာဝန်ခံရရင် စစ်တပ်ကို ဘယ်သူက ဦးဆောင်ရဲတော့မှာလဲ၊ ခင်ဗျား ဦးဆောင်မှာလား ကျင့်ဝတ်ရေးရာဝန်ကြီး"
ယခုလိုအချိန်တွင် ပန်းထိုးဝတ်ရုံဝတ်အစောင့်တပ်မှူးက စကားဝင်ပြောလာလိမ့်မည်ဟု မည်သူမျှ မထင်ထားခဲ့ပေ။
ပန်းထိုးဝတ်ရုံဝတ်အစောင့်များသည် ဧကရာဇ်မင်း၏ တိုက်ရိုက် လက်အောက်ခံများဖြစ်ပြီး ဧကရာဇ်၏သူလျှိုများနှင့် သတင်းပေးသူများဖြစ်ကြောင်း ဝန်ကြီးများအားလုံးသိကြသည်။ သူတို့အများစုမှာ ဧကရာဇ်မင်း၏ ဆန္ဒများကိုသာ ကိုယ်စားပြုသည်။
လက်ရှိအခိုက်အတန့်တွင် ဧကရာဇ်မင်းမြတ်၏ အနီးကပ်ဆုံးတပ်မှူးက ဝင်ပြောလာခဲ့တာကြောင့် ကျင့်ဝတ်ရေးရာဝန်ကြီး၏ တိုင်ကြားချက်ကို ထောက်ခံလိုသော ၀န်ကြီးများအားလုံး နောက်ဘာဆက်ဖြစ်မည်ကို စောင့်ကြည့်ရန် နှုတ်ဆိတ်နေခဲ့သည်။
YOU ARE READING
ဒုတိယအကြိမ်...လက်ထပ်ခြင်း
Historical FictionMyanmar Translation of China Web-Novel "Second Marriage" English Title : Second Marriage Original Authors : 喵蓝 English Translators : https://www.novelupdates.com/group/wordrain/ Episode : 66 Chapters...