من بعد قصة بيان النصر وياقوت رجعت ليكم بقصة جديدة وحصرية على مجموعة مختلف اللهجات، قصتي الجديدة تحت عنوان 👑 هن القوارير 👑 من العنوان نقدرو نشوفو عدة قصص متنوعة كلهم مرتبطين بشيء واحد وهو المرأة. قصتنا غادي تتناول وتعالج قضايا وحالات مختلفة كيوقعو...
يوم على يوم كيتزاد الشقا وتمارة راحة ما بقات تهز ولا تحط باوامرهم هما وصل اليوم الموعود لقاهم ناضيين كلشي مقاد كلشي مزيان كيف عادتهم النقا والتاويل ضياء واقفة على قدم وساق كانت جات الزيانة وبغات تقاد جليسة للعروسة وهي واقفة معها بحكم كتفنن فالديكور حتى هي أما حكم واقف مع التريتور كيقادو الطبلة ديال العقد كما خططت ليها ضياء كيفاش خاص تكون وفين وكيفاش تتزوق
هي فرحانة لنهار اختها وهما مزال مراض بيها قرر عبد الخالق هو وعائلته انهم فداك النهار لي هما فرحانين بضريب الصداق هو غادي يدير عرسه على ريحانة حتى هو وغايدير فيه كلشي عقد وعرس وجمع كلشي وحتى ريحانة وافقات على حماقهم وقفو العلامات وبداو الشطيح وديدجي قبل لا يبداو عائلة ضياء زعما باغيين يفقصوهم ولكن لسوء حظهم هما اصلا ما فراسهمش ما بقاوش نهائيا مسوقين ليهم
كانت لابسة قميص بالمسكي ديال جوهرة كمامه طروا كار واسعين مخيط بالراندة وعنده مجدول خفيف محزمة به وvوال بنفس اللون بليغة فرجليها البويض المزينين بالحنة لا طاي ديالها ولات اكثر من فاتنة وجهها ما كتراتش فيه نهائيا الماكياج عينيها لي مركزة عليهم فقط لابسة ذهبها لي شراو لها عائلتها ويديها كتحرك بيهم لي الحنة واضحة فيهم بلون مغري العيالات بقاو فاهيين فيها أما الرجال راه ما كانوش داكشي علاش خرجات باش تهز شي ديكورات بقاو تما عند الباب
حتى دازو بالطموبيل دياله مزينة صح ما يتمكن غير شافها تقعد ولصق فالنافذة بحال شي ولد صغير وريحانة كتجرو ما راضياش هي ما انتابهات ليهم حتى سمعات جيران كيسبو فيه وفقلة ترابيه هو وعائلته ضحكات عليه باستهزاء ملي بانت ليها الطموبيل مزينة فهمات اشنو كاين
باقي ديك الابتسامة مرسومة على شفايفها وجيران كيزيدو يضحكوها ملي يقولو عليهم شي حاجة كانت من نصيبو هو يشوف ديك الضحكة واللمعان فعيونها المكحلين خلاته واقف بعيد حابس على الناس الطريق كيتسناهم يبدلو الإذاعة فرح حيت ماشي هي العروسة لأنه داك نهار ما قدرش يسولهم ما تحرك حتى كثرو عليه الكلاكصونات
خوا الطريق معصب لأنه هي غير سمعات حس الرجال زربات جمعات لي جمعات ولي بقا خلاته ودخلات خلاته مبلق عينيه فالخوا عاد هبط من بعد ما سطاسيونا مزيان وقرب من دارهم دق فالباب وبعد حيت كيتسمع غير حس النسا خرجات هي نيت كتقرب وكتقاد زيفها بيديها المزينين بالحناء وداك شوية الذهب لي مزين يديها مخليها لوحة فنية فريدة من نوعها حانية راسها مخلياه متبع حركاتها وجاية فديك الطوالة بحال شي عارضة أزياء على طابي غوج
حتى قربات للباب عاد هزات عينيها وهي تصعق بالشوفات لي داير فيها طيح منها النص غير بشوفاته لي ماشي شهوة كما كان كيشوف فيها راجلها ملي تقاد ولا كان اغتصاب بعينيه لا كانت واحد الشوفة من نوع آخر مزيج بين تقدير وتقديس جمالها حب حنان شخص باغي ينتمي واخا ما عارفهاش شكون عينيه كان فيهم واحد الحب كبير سلبات ليه العقل داك النهار أما دبا روحو لي كيحس بيها غادي تزهق فاي لحظة
وهاااا هي زهقاااااات حس بيها زهقت ملي نطقات بداك الصوت الجوهري والعينين فالارض باستحياء ما بقات طلعات الراس حشمها غير بشوفاته رموشها كيبانه ليه واخا مهبطة راسها حيت طوال كيتحركو بسرعة دليل على حشمتها المفرطة منه ضياء: اا نعم اا سيدي اش حب الخاطر بهمس: نتي لي حبات الخاطر هزات عينيها وعاود هبطاتهم: نعام فخاطره ينعم عليك الله غير خلي عينيك نشبع منهم: عندي قفطان ديال العروسة ديال الحناء ممكن تعيطي ليا على شي حد قريب لها كان كيصحاب لها غادي تجيبو زينة ولا نسرين حيت قالت لهم راضية بلي خيطو لها قفطان باش تحني بلاش ما تلبس ديال الزيانة تلبس ديالها نيت وتحني به ضياء حطات يديها على صدرها هو بقا متبع غير ديك اليد: أنا أخت راحة
صرط ريقه ما بقاش عاود الهضرة دار عاض على شفايفه وخدام غير هو ودماغه كيفكر مشا يجيب لها القفطان مع باله: معاذ قال بلي خواتاتها كلهم مزوجات (صطح راسه مع الطموبيل منو بعد ما سد الباب) آخر أيامي عشقت وغرقت فغرام وحدة مزوجة وغير يديها خلاتني تالف على سميتي
قلب الدورة ودا لها القفطان هازو بين يديه بجوج باش ما يتكمش ملي قرب سرحات يديها باش تحمله بنفس الطريقة هو غير بانو ليه يديها هز راسه للسما باش ما يشوفش حطو لها وقلب الدورة رجع لطموبيلتو حل ليها جميع النوافذ وطلق لا كليم وخلا غير البرد وراه غادي كيطلب الله جلال: يا ربي واش هذا اختبار فالأول ظنيتها هي العروسة ودبا نعرف بلي هي مزوجة يا ربي سامحني راه هادشي كان أقوى مني يا ربي
أما ضياء طارت للبيت عند اختها حطات القفطان وجلسات كتنفس بعياء وكتماصي صدرها لي كيضرب بجهد خلعات راحة لي قالت يمكن بقا فيها الحال حيت عبد الخالق ناض تزوج فهاد النهار بغا يصغر بها راحة عنقاتها: حبيبتي ما ديريش فبالك اصلا ما يستاهلش الله يعطيه الغراااق يا ربي ضياء هزات فيها عينيها: شكووون هذا؟ راحة: عبد الخالق الله يعط... قاطعاتها: اويلي ما تدعيش فيه نهار عرسك كضيعي فالدعاوي طلبي الله يكمل عليك نتي ومعاذ.. انا راه (ما قدراتش تقولها) معامن صيفطو القفطان طلات عليه راحة: ياك نتي لي خديتيه نتي لي نسولوك حركات راسها: أنا ما عرفتش شكون داك السيد ماشي رضا ولا حتى حمزة راحة كتفكر: ياكما عمه سي جلال ولا شي حد من عائلتهم علاش مالو حركات راسها: غير حيت ما عرفتش وصافي كيصحاب ليا غادي تجيبو نسرين ولا زينة
جات بغات تنوض وهي تبدأ دمع راحة: واا علاش مخليني بوحدي هنا عيب عليكم ضياء: أنا نقول لبنت خالتي طلع حداك حتى هي قنطانة لتحت وتوانسو راه قدك
💣💣💣💣💣 توقاعتكم وآرائكم 💣💣💣💣💣
اا سي جلال تكايسو علينا راه حنا جمهور ناشئ جلال 👇
Oops! This image does not follow our content guidelines. To continue publishing, please remove it or upload a different image.
