🌹هن القوارير🌹 (في طور التنزيل )

part51

👑👑 هن القوارير 👑👑
شمس الغريب

الجزء 51:

يوم الحناء لي غاتنقش فيه العروسة بالليل صباحه قررو يديوها للحمام ماشي ديال الحومة إنما واحد تركي جاي بعيد عليهم شوية داوها غير البنات كما العادة زايدين عليهم غير شي بنات من كلتا العائلتين وغير القراب بزاف كانو حاجزينه من قبل وجاي هو ما كبيرش بزاف بالحق متيول وفيه صالون ديال مايكاب ارتست كامل مكمول
دخلو وتكلفو جوج ديال البنات فالحمام هما لي مزيانين بضياء كانو موجدين كلشي لي تحتاج أي عروسة ما خلاو ما دارو لها واخا هي ماتحتاجش ولكن لطافتها وحسن تعاملها خلات البنات يتعاملو معها احسن معاملة
خرجات كضوي من الحمام وجلسات فواحد الجليسة برا الحمام اصلا مطرق ودارو بيها البنات محميين الطرح وحتى لي فالحمام معاهم حتى بردات وناضت ثاني لبسات حوايجها وجلسات عند السيدة لي غا تكلف لها بالماكياج عاد تلبس حوايجها لي هازينهم لها معاهم بدات ليها بالماكياج هو الاول عاد تقرر اشمن مشطة دير من بعد

دخلو بقية البنات كلهم تقريبا للحمام ها لي كدير لاسير كل وحدة وفين ودخلات البنت لي كدير لها الماكياج لبيت ثاني تجيب شي عكورة باقي هي فوضعها وقفات عليها وحدة من البنات ما عرفاتهاش شكون جات جنبها كتقاد حواجبها لراسها