👑👑 هن القوارير 👑👑
شمس الغريب
الجزء68:
عماد: الله يرحمهم.. الله يرحم جميع الموتى يا رب
نهيلة ناضت جلسات ومسحات وجهها من بعد ما عمرات ليه التيشورت: آمين.. دبا خاص نمشي راه غبرت على خدمتي
عماد نيم عينيه: كيفاش زعما انا غادي نبدأ نتعرف عليك من جديد
ضحكات بمرح: بحال داكشي.. حتى انا ولاو عندي مشاريعي الله يخليك.. مصبنتي العزيزة وحتى واحد البوتيك صغير ديال الحوايج
باقي كتهضر معاه صونا التيلي ديالها فالصاك كانت النمرة ديال الإنجليز هي نقزات بفرح وهو القرود كيشطحو فوق راسه
نهيلة: محمووووود.. كيصحاب ليا صافي نسيتيني
محمود: لااااا غير حيت فاش وصلت بقيت كنقاد مسائلي هنا.. عاد ساليت.. كيفك؟
نهيلة مضاربة مع عماد لي دار مكبر الصوت وشد التيلي هو: الحمد لله.. وانت كيف وصلتي؟ كيف لقيتي الامور؟
محمود بتفاؤل: انشالله كلشي مزيان.. غادي نبدأ حياة زوينة ونحاول ننسا ونعيش
نهيلة بفرح: برافو عليك اا محمود (مترددة) محموددد.. احمم يعني ممكن تمشي تعاود لشي طبيب نفسي غا ترتاح أكثر
محمود: ممم انا لقيت واحد هنا.. فالمدرسة يعني كاين مصلحة خاصة.. بمثل هيك قضايا.. يالاه سلام نتواااصل.. رح بلش دروس
نهيلة فرحانة: موفق
قطع الخط عماد واقف عليها وقفة ديال نخلي عشتك يد شاد بيها التيلي قدام وجهها والثانية شاد بيها نصه وكيشوف فيها مغوبش ضحكات عليه وقربات ليه وقفات على رؤوس الأصابع ديالها وتعلات يالاه وصلات لتحت لحيته طبعات بوسة تما ضغطات كانت غادي طيح لوكان ما دور يديه على خصرها شدها وهبط عندها كيبوس ويعض ويجر فعنقها وهضر وهو وجهه تما
عماد: شكون هذا؟
بلا هواها: محمود..
وسط سوق مغطى كبير كيتقضاو هو وياها ثاني نهار كيخرجو يتقضاو كتخرج عليه حيت ما كيرفض ليها والو.. قبل عبد الخالق كان ينكدها عليها وشحال من حاجة كتشريها من عندها هي إلى وفرت شي حاجة أما جلال مخرجاها منه تلبد عليه عينيها يقول ليها خوديها ما كيحس بالقالب حتى كيبدا يحطهم
جلال: قربنا اا الحاجة ناخدو المgازة لي قلت ليك على حسب الصالونات المغربية
خرجات عينيها بفرح: حلف حلف بالله؟!
جلال: انشاء الله.. صافي اتفقنا على الثمن.. خاص دبا غير واحد الشركة ديال البناء تعطيني التسبيق ديال السلعة لي بغاو.. وشركة أخرى تكمل ليا الحساب لي بيناتنا وديك البركة لي جامع انا.. غادي تبقا شي حاجة قليلة نضبر عليها
ضياء: وانا نقدر نعاونك؟
جلال هبط باس جبينها وسط السوق قدام الجزار نيشان: عاونيني بدعاوتك وبقاي غير حدايا والباقي خليه ليا
كملو تقضيتهم حطها فدارهم لي غبرات عليهم من بعدما سلم عليهم وعرض عليهم على حسب الغد ومشا يشوف هادشي لي قال ليها نيت وهي دخلات استقبلوها فرحانين بيها كيسولوها على حالها وأحوالها
رحيمة: مااا شاء الله اا ختي ما شاء الله يالاه تزوجتي وبانت عليك
نعمة: واييه يا رحيمة الحمد لله ربي جاب ليها ما احسن مليون مرة
نجاة دارت فيهم: اييوة عيقتو كل مرة تديرو هاد المقارنة دبا تزبق ليكم شي نهار قدام شي حد من عائلة جلال ولا قدامه هو نيت
YOU ARE READING
🌹هن القوارير🌹 (في طور التنزيل )
Humorمن بعد قصة بيان النصر وياقوت رجعت ليكم بقصة جديدة وحصرية على مجموعة مختلف اللهجات، قصتي الجديدة تحت عنوان 👑 هن القوارير 👑 من العنوان نقدرو نشوفو عدة قصص متنوعة كلهم مرتبطين بشيء واحد وهو المرأة. قصتنا غادي تتناول وتعالج قضايا وحالات مختلفة كيوقعو...
