🌹هن القوارير🌹 (في طور التنزيل )

part36

👑👑 هن القوارير 👑👑
شمس الغريب

الجزء 36:
كلشي كيسولها على الصوت لي تقج ورحيمة دارت لها العسل والحامض باش يتسرح الصوت ونفس السؤال كل مرة يتعاود وهي تهرب
فاطمة: اا مالك اا بنتي اا ضياء ااش جرا لصوتك.. ياكما بقيتي كتبكي ولا....
قاطعاتها بصوتها المبحوح: لا اا ماما راه غير مع الوليدات بقيت كنغوت معاهم
باقي معاهم جالسة كتصرط فالحامض حتى تسمع الدقان فالباب مشى حكم لي كان كيراجع فشي حسابات ف صالون لي على الباب
لقا قدامه شخص مد ليه صاشي ديال الدوا: هادي الدار ديال السيدة ضياء جابر
حرك ليه حكم راسه متعجب: ايييه شكون نتوما لي كتسولو فيها؟
السيد خاف لأنه باين جواب حكم المستفز: لا حنا غير الصونطر لي كتقرى فيه.. والجمعية لي نظمت النشاط.. حيت هي مشالها الصوت مع الوليدات.. وصيفطوني باش نشري لها الدواء شكر ليها.. وماشي غير هي راه حتى شي أشخاص آخرين
وراه صاشيات آخرين ديال الدواء وحكم عاد فك غوباشتو هو غير متفهم ف بحال هاد الأمور خصوصا إلى كانت كتخص الناس القراب ليه ولكن كان غافل على الطموبيل ديال جلال لي ولات حافضة ديك الطريق يطلقها تجي راسها لزنقة دار ضياء

دخل حكم وفيديه الصاشي مدها لضياء لي استغربت: صيفطوها لك الجمعية لي خدمتو معها ولا ما نعرف الصونطر ولا ما عرفت اش كيخربق عليا داك السيد برا المهم حيت غوتي قالك مع الوليدات
ضربها التزيزين كيصحاب لها واش خوها عاق بها وجلال لي جاب الدواء بيديه: امممم
رحيمة شافت فراجلها: بالسيف ما يخربق عليك باينة طرطقتي فيه عينيك وخلعتي السيد
حكم ضحك: واا الصراحة غير قال ليا جبتو لضياء كنت غانصمكو جاب الله عرف براسه وماشي غير لها لاش جاب الدواء لبزاف قالك كانو كيغوتو تما مع للوليدات

شدات داك الدواء ومشات للكوزينة جبداته وكأنها متأكدة فيه شي حاجة متأكدة بلي هو لي صيفطو ما كاين لا جمعية لا صونطر اصلا هي تجرح لها صوتها غير ملي بقات معه الراس فالراس حلات لقات سيرو وواحد اللعيبات كيتمصو ملي جبدات السيرو بانت لها ديك التوصيف لي كيكون فاي دواء داك الورقة لي كيكون فيها معلومات على الدواء لقاته مزمم فديك الورقة

" اا بنت الناس بان ليا هاد المرة غا نكتب لك فشي سبوب عند شي فقيه.. مرة ف 200 درهم مرة ف الدواء المرة جاية غانديك تكتبي فواحد البلاصة عاد نرتاح، المهم شربي هاد الدواء وكان ويدير الله الخير بالحق لا الخبطة دالباب ولا الهربة أما الغوات عاقبك ربي من عنده هادشي كله غانتفاهمو عليه مزيان، الدواء راه 3 المرات فالنهار كل واحد فيهم من ورا الماكلة "

حسات بالخوف وهي كتقرا دوك الكلمات دياله وكأنه واقف قدامها شربات السيرو ومصات وحدة من هادوك حسات بحلقها حرقها جمعات ديك الورقة خباتها فجيب البيجامة ورضات الدواء مع الدوايات وخرجات
رحيمة كترضع ولدها: ضياااااء غدا السبت.. اش بان لك نمشيو للقيصارية قالك جاو شي حويجات شهووووة شهووة
عبد الله: ديو الطموبيل وسيرو شحال ما خرجتو
فاطمة: سيرو غير بجوج حيت نجاة ونعمة غايمشيو لعند راحة ورجعو بكري راه عارضة للعشاء غدا
غير فطرو وسخن الجو شوية خلاو هارون مع فاطمة وحتى حكم وشرف كاينين غير فالدار والدراري ما داوهمش باش يعاونو راحة فخاطرها هما مشاو للقيصارية من محل لمحل تقضاو لكلشي معاهم شي حويجة المهم تفكروهم وضياء كتاخد حويجات ديال الخروج باها الله يخليه لها مخصص ليها مصروف أسبوعي لأنه مزال كدوز ليه واحد البركة ديال التقاعد عاد خوتها ما مخليينهاش كل مرة يدورو معها ولا يعطيو لامهم تعطيها حيت ما كتبغيش تشد فرحة اختهم عندهم بالذهب

سالاو وجاو خارجين كيضحكو مع بعضياتهم حتى خرجو فيهم نيشان هو حالته حالة ولا كيبان شارف لدرجة الشيب خرج فيه وضعاف بزاف لي ما ركزش عليه يحلف بلي ماشي هو وهي غير شافتها زيرات عليه كتوصل ليها بلي راه ديالي زعما وطالقة ابتسامة صفرة هما ما داوهاش فيهم كملو كلامهم عادي وبغاو يتجاوزوهم
ريحانة: عيب اا ضيااء عادي جوج ديال الناس كيتفرقو وكيعاود يتزوج.. اش دخل سلام الله فهادشي
ضياء ما جاوباتهاش ورجعات رحيمة باللور بصاشياتها: علاش بنااادم ولا مقروص هاد الايام.. الصراحة ما فهمتش
ريحانة غوبشات فيها اصلا ما عارفاش رحيمة شكون: اش بغيتي تقصدي انا هضرت مع ضياء اش جبدك
رحيمة: ضياء كانت غادية ف طريقها ونتي كنتي جاية تقضاي واقلة اييوة اش جبدك ف ضياء همممم
ريحانة: أنا قلت لها تقول غير السلام
قاطعاتها رحيمة: ايييوة والى ما كانش دايز فشي بعضين.. سيري تيسري انا راه ماشي بحال ضياء (رمات نص عين ليه هو ما حاملاش تشوف فيه) سبحان مبدل الأحوال
جات ضياء لي بقات واقفة وبان لها هادشي ما غايساليش: رحيمة يالاه اا صاحبتي راه غانتعطلو عليهم
ريحانة: هههه لحقتي ديري الصحابات.. البيرمي.. كدوري كيف بغيتي غير طلقتي وليتي اااا بلا ما نكمل راك فهمتي.. سبحان مبد.....
باقي ما كملاتهاش جمعها معها هو نيت بتمرميقة خلات الكل يدور يشوف فيهم لحسن الحظ هما بعاد على الحومة ولكن الناس راه هما الناس ضغيا بغاو يتجمعو وقبل ما طرا شي مصيبة
ضياء وهي جارة رحيمة: لي فيييكم مكفييكم لاش نزيدكم انا

تنترات ريحانة حاطة يديها على خدها والشرار كيطير من عينيها: ضربتيني على قبببلهااا دبا انت ضربتيني قدامها
هي كتهضر والمتنمرين بداو وحتى المتعنبين كل واحد واش كيقول
والصراحة إلى ضربك على قبلها تستاااااهل
وحتى إلى ضربك قدااامها والله حتى تستاااااهل بالله
وااا تي راه ضربك قدااامها وقدااام هاد الشعب لي واقف كاملين
.
.
.
ختمها لها واحد البرهوش باقي غير صغير بدا كيدير بحال أصوات الافلام المدبلجة
ناااري اوووه ضربتيني على قبلها اااا كماااال ضربتيني قدااامها اوووه اااااه

دارت الشوهة لراسها وصافي خرجات كتجري عمرها تحطات فموقف زفت بحال هذا حتى لليوم وهي لي حطات راسها فيه ما حطها حد رجعات وقفات جنب الطموبيل دياله وهي كتشوف فضياء كديماري ما هياش هنا بحال الى ما وقع والو غادية كضحك هي ورحيمة لي مزال ما بردو جنونها وارثة الصعرة من راجلها بقات كلها كتغزل حتى خرج هو والعيالات مزال تابعينهم باغيين يزيدو يتفرجو مزال حل الباب وخبطو حتى طار عاد طلعات هي كتنخصص ما تسوقلهاش وزاد مع الطريق

والله الى ربي إلى بغا يعذب النملة كيدير ليها جناوح هي اصلا غير إلى تحرك البرد شوية كيطيرها بلاهم
هي حالتكم لا نتي ولا هو
غادي تفاعلو  في كل جزء و لا غادي ننننننننن شفت لفوق شي واصل 400 والصرف و شي حابس في 300 راه تنتعصب 🧐