🌹هن القوارير🌹 (في طور التنزيل )

part43

👑👑 هن القوارير 👑👑
شمس الغريب

الجزء 43:

كان جالس كيشوف فدوك الأوراق وهي كتعبر وتعوج غير بوحدها حتى وقف عليهم شخص ثالث سلم عليه جلال وناض جلس هو وياه مقابلين ليها الشيء لي قلقها علاش كيتهرب منها كل مرة ودبا بلوكاها جلس حداه السيد وتكا هو على الكرسي

جلال: شوف اا سي الراضي دوك الأوراق
يالاه بدا كيطالع عليهم حتى تسمع غواتها فالأول بقا مبلوكي وكيكذب ودنيه اش غا تجي دير هي هنا وعلاش وكيفاش كتهضر مع شاب ما يمكنش ولكن فضوله ما هناهش دار وهو يطيحو عينيه عليها واقفة بانت ليه الطبلة لي فيها مخلطة وهي نايضة حمرة بالاعصاب وزادت كتهرول بمشيتها مقندشة ما حس براسه غير واقف هاز تيلي والسوارت مخليهم كيشوفو
جلال: نشوفو هادشي من بعد
تصدمو ياك هو لي كيخلي هاد الأعمال حتى للويكاند لي كيبغيو يرتاحو فيه حتى هما كيجيبهم يخدمو صدق حتى جابهم وناض تبعوه باغيين شي تفسير واش يكملو هما حتى يعلموه بالجديد ولا اش

واقفة باغيا تقطع الشانطي للجهة الثانية باش تشد الطاكسي يالاه غا تزيد خطوة من بعد ما خوات الطريق حتى حسات بيديها تنطرات من بلاصتها ورجعات بنصف متر بجهد وارتطمت بصدره الفلاذي حسات بمخها تزعزع من بلاصته شمات ريحته عرفات بلي صاحب دعوتها والرعب لي شدها ما خلاهاش تهز راسها تشوف فيه غير من صدره لي كيطلع ويهبط بطريقة غير عادية قدرات تخمن قمة العصبية لي غاتكون فوجهه ولكن باش تقاومه خارت قواها
خلاها فصدره وجرها لجهة السيارات حسها كتنخصص فصدره ودموعها اختارقه تريكوه ووصلو للحمه هادشي عصبو لأنه ما باغيهاش تبكي فنفس الوقت هادشي ما باغيش يسكت لها عليه

وهو كيحاول يخرج لها وجهها من صدره وقفو عليهم هادوك جوج غير شافتها ما رضاتش على راسها تشوفها بديك الحالة رجعات تخشات فصدره وهو كيطبطب عليها وهو ما كرهش يخشيها تما ويتهنا ويرتاح
البنت حسات بالخنقة ولكن مزال كتغنج: مسيوو جلال.. ما بغيتش نسولك على هاد المنظر بالحق راه انت لي جبتينا فهاد النهار كيفاش نمشيو دبا
السيد كيرخف الكرافاط عرفها تجاوزت الحدود دقائق صمت من كل الأطراف حتى زلزلهم كاملين
جلال: اااش دخلك ااا آنسة فحياتي الخاصة هممم؟ نقدر نعرف.؟
السيد تدخل ملي بانت ليه القضية حامضة وجلال يقدر يخلطهم كاملين: مسيو جلال إلى بغيتي نقدرو نتناقشو على الوضع ونعلمك بالمستجدات
خرج فيه عينيه: خدمتك هادي اا السي الراضي.. ونتي اا انسة من اليوم بلا ما تبقاي هاد الورقة خاص نتشاوفو عليها خاص تسني على شي زمر بلا ما تبقاي تحاولي دااك

تراجع فآخر لحظة من أنه يقول شي كلام ناقص: استغفر الله العظيم.. من اليوم الحاجة لي بغيتي تعلمي بيها هااا المحامي ديالي عيطي عليه وهو يقول ليا.. دبا تفضلو قادو الأمور ديالكم
مشاو البنت ما راضياش تصوط عليها تحرق اليابس والأخضر أما المحامي غير كيسايس راه كيعرف جلال زمان من لي بدا مشاريع صغار وهو معاه كلشي أموره قانونية هو كيثيق فيه والأخر عمرو خيبو بقا حاضيهم حتى
طل عليها كيبان ليه غير فولارها المورد وكتافها كيتهزو من شهقاتها ما كرهش لو كان الوضع مختلف وماكيداعيش التقليقة ديالو ولكن إنما للصبر حدود باقي قبالته كيفاش كانو جالسين مخلطين ويد الشاب لي كانت شادة لها فدراعها كون ما خافها تهرب كون مشا برد فيه سمه وعاد يجي ولكن للأسف ما يقدرش يخليها
بعدها بلطف لقا التيشورت دياله فازg بدموعها وهي كلها كتلصق رموشها عامرين دموع وجهها أحمر وشنايفها تنفخو مد يديه دخل شوية ديال الشعر كيطل عليه