🌹هن القوارير🌹 (في طور التنزيل )

part124

👑👑 هن القوارير 👑👑
شمس الغريب

الجزء 124:

التهديد لي عطاتها داداها خلاها تقطع عليه أكثر من مرة هو يصوني هي تقطع ومشات الواتس آب
عايدة:" نوح ما نقدرش نهضر معك دادا تحيح عليا 😟"
نوح:" وعلاش بالسلامة؟ "
عايدة:" شافتني فاش عنقتيني وما عجبهاش الحال.. قالت ليا لزمي حدودك "
نوح غا يخرج ليها من التيلي:" كيفاش هادي ثاني "
عايدة:" وا قالت ليا إلى بغاك راه كيعرف دار باك "
نوح:" ياااك واخا "
ما عرفات باش ترد عليه خلات ليه الكرة فيديه اصلا هو راه ماشي امرأة لي خاص يتسنى العدة دياله عنده الحق يتزوج حتى من غدا.. هزات عينيها فداداها لقاتها كتنقب من الفواكه مامسوقاش ليها أو دايرة راسها ما مسوقاش ليها

أما نوح كان فدارهم حتى تصدم باش قالت ليه واخا راه كلام منطقي ولكن ما حدها قالتها لها اذن يعول على الحرمان يالاه جا يخرج من البيت دخلات أمه وسدات الباب
شاف فيها باستفهام
امه: كيفاش قضية العناق انت وعايدة.. شووف انا درت راسي ما كنشوفش مدة هادي بالحق بنتو ليا ماشي حتى لتما اش بيناتكم ؟
نوح بقا غير كيشوف فالأم دياله اش هاد الهجوم: الواليدة؟!!
أمه مصرة تعرف: واش كانت بيناتكم شي حاجة قبل قولها ما حدي غير انا وياك
نوح: الواليدة واقيلة راه حياتي الشخصية هاديك
امه: وانا ماماك بانت ليا هاد حياتك الشخصية حاسبها انت بحال دفتر الوساخ
نوح: الوااااليدة

هو يعاني فقنت وهي غير خرجات من الحمام لقات داداها هازة التيلي فيديها وكتوريها لي ميساج لي بينها وبين نوح وهي كتعرف تقرأ طبعا صدماتها
دادا: واش أنا نوصي فقنت ونتي تبهللي فقنت آخر هااا
عايدة: دادا شنو المشكل.. ياك نتي كنتي تحماقي باش انا نرتابط بنوح
دادا: بخبار الناس ماشي بالتخبية.. إلى بغاك يجي لداركم.. وشوف تشوووف
عايدة شهقات: كيفااش وشوف تشوف اا دادا
دادا: اييه شوووف تشووف حتى دبا.. ماشي هو عاش حياته بالطول والعرض ونعطيوه حنا بنتنا.. اييه عائلته مزيانة بالحق لا
فالطريق غاديين وهي كل شوية تبرر ليه سبب لي خلاها تعيط عليه زعما راه مزال السيدة محافظة على ماء الوجه ديالها
ضياء كتمسد على كرشها وجالسة عاد حسات بالراحة: بنتك اليوم عاد ما بغاتش ريحة الطياااااب وااالو
جلال يد مخرجها برا والثانية سايق بيها وكيدور يضحك فالجهة الثانية ويرجع يشوف قدامو عارفها حاضياه
جلال: واا شنيييولة هاد سلسبيل.. عادي توحشات باباها (رجع اليد لي خارجة سايق بيها والأخرى حطها على كرش ضياء) يااك اا بنتي الغزالة ممم.. كليتي بعدا شي حاجة؟
ضياء حلات عينيها: لأ بغيت شوارما...
قبل لا تكمل كلامها جبدها لها لأنها هي لي كانت كطلب مؤخرا بزاف حالتها وبدات تخشي فوجهها وتتبنن واش هادشي كله وما تبغيهش مستحيل

كيف وصلو للدار جلال بقا فالصالون جايب معه شي ملفات كيراجعهم جات جلسات حداه ومعها قهوة دياله وعصير ليها ديال الفواكه عاد كتحس بالراحة ما عمرها باقي تذكر المباتة فشي بلاصة أخرى من غير جنبه فعلا هي ما تقدرش
جلال جرها لصدره: اهاااه اا الغزاالة قولي ليا.. اشمن ريحة عصباتك ؟
ضياء هزات راسها باستو فعنقه: ريحة البريوات
جلال شاف فيها بنص عين: وا قبل البارح صايبتي بيديك البرييوااات مممم !!
بدات كدور عينيها فعلا هي عاد صايبات البريوات بيديها ما عرفات ما تقول بقات غير كتشوف فيه شوية قلبات عينيها
ضياء تخبات فيه: وااا بنتك اليوم قال ليها راسها ما بغااااتش ريحة البريوات
جرها قابلها مع وجهه كيبوس فيها: بغات ريحة باباها.. بعدا بنتي كتوحشني ماشي بحال شي ناس