လေ့လာရေးခရီးတွင် လိုက်ပါလာသူအားလုံးကို တည်းခိုဆောင်အသီးသီးတွင်ချအပြီးမှာတော့ ညတောင်ရောက်နေပြီဖြစ်သည်။ဒီနေ့ညကတော့ အားလုံးပင်ပန်းနေတာကြောင့် ကိုယ်တိုင်ချက်မစားကြပဲ campမှပြင်ဆင်ပေးသောအစားအစာများကိုသာ စားကြမှာဖြစ်သည်။နောက်ရက်တွေတော့ အထည်စက်ရုံတွေကိုလည်ပတ်ပြီး ညနေမှာတော့ ကျောင်းသားတွေကိုယ်တိုင် ချက်ပြုတ်စားသောက်ရမည်ဖြစ်သည်။ကျောင်းသားတွေအချင်းချင်း ချစ်ခင်ရင်းနီးမှုရစေရန်နှင့် အဖွဲ့လိုက်လုပ်ဆောင်ချက်တွေတွင် နေသားကျစေရန်ရည်ရွယ်၍ ဆရာများကစီစဥ်ထားခြင်းဖြစ်သည်။
ညစာစားချိန်တွင် ထမင်းစားခန်း၌ အားလုံးတူတူစားကြသည်။ယွန်းဂီနှင့်နမ်ဂျွန်ကတော့ ဒေသထွက်အစားအစာတွေကို တစ်ခါမှမစားဖူးသဖြင့် အကြိုက်တွေ့ကာစိတ်ကြိုက်
စားသောက်နေသည်။ထယ်ယောင်းကတော့ သင့်တင့်ရုံမျှသာစားသည်။ကျောင်းသူလေးတွေက ထမင်းမစားပဲ ကိုယ်လူချောသုံးယောက်ကိုသာ တူလေးတွေကိုင်၍ငေးကြည့်နေကြသည်။မျက်နှာချောချောလေးကိုကြည့်နေရတာနဲ့တင် ဗိုက်ပြည့်နေကြတာကြောင့် ထမင်းကအရေးမပါတော့ချေ။တစ်သက်လုံးစားလာတဲ့ထမင်းကို ခုတော့မျက်နှာလွှဲခဲပစ်လုပ်ကြသည်။
"ထင်တောင်မထင်ထားဘူး...တော်တော်စားကောင်းတာပဲ ယွန်းဂီ"
နမ်ဂျွန့်အပြောကို ယွန်းဂီကလက်မထောင်ပြ၍ ထောက်ခံသည်။ပါးစပ်ထဲတွင်စားစရာအပြည့်နှင့်မို့ စကားပြောလို့မရတာကြောင့်ပင်။ထယ်ယောင်းကတော့ အိေန္ဒြပျက်အောင်စားသောက်နေတဲ့ ယွန်းဂီနဲ့နမ်ဂျွန့်ကို အထင်သေးသောမျက်လုံးများနှင့်သာ လက်ပိုက်၍ကြည့်နေသည်။
ယွန်းဂီတို့ကတော့ ထယ်ယောင်းမျက်လုံးများကိုမတွေ့။
စားသောက်ရင်းသာအလုပ်ရှုပ်နေကြသည်။စားပြီးပြန်လာတော့ ထယ်ယောင်းကဦးစွာ ရေချိုးရန်ပြင်သည်။ယွန်းဂီကတော့ ထယ်ယောင်းပြီးတာနဲ့ ရေချိုးရန်ထိုင်စောင့်နေသည်။သူတို့အခန်းထဲတွင် ရေချိုးခန်းအိမ်သာကတွဲလျက်တစ်ခုပဲရှိတာကြောင့် တစ်ယောက်ပြီးမှတစ်ယောက်အလှည့်ကျပင်။