"ရပြီလား!!!"
လှမ်းအော်ပြောတဲ့ နမ်ဂျွန်ကြောင့် ယွန်းဂီokဟုလက်ဖြင့်လုပ်ပြလိုက်သည်။သူ့မှာအခုအော်ပြောဖို့အားတောင်မရှိတော့။
"ငါတို့ကိုလည်းကယ်ပါ!!!ကျေးဇူးပြုပြီး!!!"
"ကျွန်တော့်ကိုလည်းကယ်ပါ!!!"
"ကျွန်မကိုလည်းကယ်ပေးကြပါ!!တောင်းပန်ပါတယ်!!"
ယွန်းဂီကိုနမ်ဂျွန်တို့ကယ်နေတာမြင်တော့ လူအုပ်ကြီးကအပေါ်ကိုတက်သွားနေတဲ့ယွန်းဂီခြေထောက်ကိုအတင်းဆွဲကြကာ ကယ်ပေးဖို့တောင်းဆိုကြသည်။ယွန်းဂီမှာသေလောက်အောင်ပင်ပန်းနေသည့်ကြားမှပင် တစ်ကိုယ်ကောင်းဆန်တဲ့လူတွေကြောင့် ထပ်စိတ်ညစ်ရပြန်သည်။
"ဟေ့!!!ဝိုင်းဆွဲမထားကြနဲ့!!သူ့ကိုကယ်ပြီးရင်အားလုံးကိုကယ်မယ်!!!အိုကေ!!...အခုသူ့ကိုအပေါ်ကိုတွန်းတင်ပေးကြ!!...အကုန်ဝိုင်းကူညီမှဒီအခြေအနေကြီးကနေလွတ်မှာ!!...နားလည်ကြလား!!...ကျွန်တော်တို့အားလုံးကိုကယ်မှာပါ!!!"
နမ်ဂျွန်အော်ပြောတော့ အောက်ကလူတွေအကုန်လုံးကထောက်ခံကြသည်။ပြီးတော့ယွန်းဂီကိုတွန်းတင်ပေးကြသောကြောင့် အကူအညီရလို့တော်သေးသည်။
"မင်းကဒီကြိုးကိုဟိုတိုင်မှာပတ်ပြီးဆွဲ....ငါကဒီကနေပဲဆွဲတင်မယ်...ရတယ်မလား"
"အင်း..."
"အိုကေ...ငါ1 2 3လို့စရေတာနဲ့မင်းအဲ့ကနေဆွဲလိုက်"
"ကျွန်တော်နားလည်ပြီ"
"1...2...3.....ဆွဲတော့!!"
နမ်ဂျွန်နဲ့ထယ်ယောင်း ရှိသမျှအားတွေအကုန်ထုတ်ကာဆွဲတင်ကြသည်။သုံးလွှာဆိုတဲ့အမြင့်ကနေဆွဲတင်ရတာမို့ တော်တော်တော့မလွယ်ကူပေ။
"ကြိုးကခိုင်ပါ့မလား"
ထယ်ယောင်းကြိုးကို အားနဲ့ဆွဲနေရင်းနဲ့နမ်ဂျွန့်ကိုမေးလိုက်သည်။
"ငါသေချာဆက်ထားတာမို့ ယွန်းဂီခန္ဓါကိုယ်လောက်ကိုတော့ ရမယ်ထင်တာပဲ...အချိန်ဆွဲနေရင်ပြတ်ထွက်သွားနိုင်တာမို့...ခပ်မြန်မြန်လုပ်ရအောင်"