Part «4»

29.2K 1.7K 641
                                    

#العُقــاب 13

#بقلمي: زاي العنبري 💚

لتنسون التصويت + التعليق بين الفقرات + متابعة
لحسابي الشخصي Mszay7 🌿.

* *

"‏من أنت حتى أحبك؟
هل أنت بعض أناي،
و موعد شاي،
و بحةُ ناي
و أغنية حتى أحبك..
لكنني أكرهُ الاعتقالَ ولا أَكرهُكْ."

- محمود درويش

• ــــــــــــــــــــــــــــــــ( 🦅 )ـــــــــــــــــــــــــــــــ •

رحــمة "

- اقشعر جسمي وخوفه صارت بيّه خفت اللتفت لوره
تحركت شويه وشجعت نفسي ودرت راسي وراي
حتى عيوني دمعن من الخوف والرُعب الدا اعيشه

- صدري يصعد وينزل بقوه وانفاسي تسارعت بـس
شفت شنو وراي حسيت حيلي انهد للگاع آه يمه
طلع تراكي مچلب بمحجر الدرج

- تنهدت بقوه وجريت نفس اهدأ نفسي بلعت ريگي
وفلتت التراك بسرعه وايدي ترجف من الخوف
صعدت الدرج وطگيتهه ركضه للغرفه

- حتى الماي بعد ماريـده يمه شجـايبني ؏ هالهبطة
دم مابقه بيّه، دخلت بسرعه شغلت الگلوب گبل
اللتفتت سديت الباب وقفلته

𝒊𝒏𝒔𝒕𝒂 :- 𝒛𝒂𝒚𝒂𝒍𝒂𝒏𝒃𝒓𝒊

- استندت ؏ البـاب وحطيت ايدي ؏ گلبي اهدأ نبضه
فزت ارجوان بسبب الضوه وصوت انفاسي العاليه
فركت عيونهه وحچت بنعاس..

ارجوان :- شنو جاي احلم ؟

تقدمت گعدت ؏ سريري..
رحـــمة :- ارجوان خايـــفة هذا البيت صدگ مسكون
اخاف يطلعلنه جني واحنه نايمين

ارجوان :- تثائبت .. مو وكت خــبالچ بالليل انطمري
وطفي الخره اريد انام

باوعتلهه هسه هاي شيقنعهه اوف..
رحـــمة :- خــلي الضوه مشتغل اخــاف انـام ضلمه

ارجوان :- يابه خلييي بس اسكتييي اريد انطمرررر

𝒕𝒆𝒌𝒕𝒐𝒌 :- 𝒎𝒔𝒛𝒂𝒚7

- سكتت عنهه لأن ماتدري بروحهه .. مسحت وجـــهي
وتمددت ؏ السرير غطيت روحي وعصرت الغطه
بأيدي ضليت اباوع للسگف بخوف
چان موقف يبس الدم البيّه

- للفجر مانمت من الخوف والرهبه تالي مدري شلون
غمضت عيني ؏ غفله وغفيت ماگعدت الا على
صوت المُنبه المُزعج بدلت وطلعت للصيدلية وي
علي يوصلني بطريقه

* *

ارفلون "

- فزيت الصُبح ما اگدر اعين روحي من التعب والجوع
توضيت وصليت واحس بمعدتي تــهضم جدرانهه
من امس الضهر ماماكله شي

العُقاب 13حيث تعيش القصص. اكتشف الآن