#العُـقـاب 13
#بقـلمي: زاي العَنـبـري 💚
لتنسون التصويت + التعليق بين الفقرات + متابعة حسابي الشخصي Mszay7 🌿.
°°
حتى لو مو من صدگ حبيتني
محلل وموهوب چي أذيتني
خلي نتباره الذمم وتفض يخوي
وباري ذمتك لو گبل بچيتني .
-زاي العَنبري 🌴.
• ــــــــــــــــــــــــــــــــ( 🦅 )ـــــــــــــــــــــــــــــــ •
رحــمـة "
انصعقت وفكيت عيـــونـي من شفته منتچي ؏ التاج
مالت الچرباية والدم يخر من حلگه بس شافني فك
عـــينه ؏ وسعهه مصدوم من شوفتي وأول مافصل
شفايفه يريد يحچـــي گح گحة قوية أثرهه انفجر
الدم نافورة من حلگه!!
يبست بمكاني عيوني جاحضة ؏ الجاي أشوفه گلـبي
يرعد مصدومة منصعقة من منظر ذو الفقار النايم
ومن كمية الدم الأتقياهه !!!
نقلت عيوني على خالة والبنات
كلهن يبچن ، متجمعات عليه ومبندات من البچي
بلعت ريگي وفتحت الباب على كيفي
خطيت داخلة للغـرفة عيوني متوسعة بصدمة
بلعت ريگ وانفاسي احسهه انگطعت عن صدري
همست بعگدة حاجب وصدمة مافاهمة الجاي أعيشه
-رحـمـة: ه-ه.. هاي هاي شكو !
گعد ذو الفقار بسرعة يگح ويتقيأ دم بسرعة سحب
منشفة بصفه خلاهه ؏ حلگه وإستمر يگح!
وگف شعر راسي من الشفته
نزل المنشفة عن حلگه شفايفه مصبوغة دم
زوايا حلگه الدم ينزل منهن بسبب كثرة السُعال!
باوعت لخالة بس الدموع تنزل وتزلغ بخدهه
نقلت عيوني اله متيبسة
بلع ريگه وانه عطت بعصبية
-رحـمـة: واحد يحچي شكووووو شبيييييييييك!!!!!!
صرختهه وركضت وگفت گدامه عيوني مرعوبة بچت
رويدة حيل وغطت وجهه
باوع ؏ خـالة ممرودة مرد ومـريـم صامه حلگهه
ودموعهه تنزل بخفوت!
عدل گعدته وخالة بسرعة كضت متنه
نزل إيدهه يحچي بعصبية..
-العُـقـاب: كافي مابيه شي شبيچن گلبتنهه مناحة!!
-رويدة: ش-شلون شلون مابيك شي وانتَ تتقيأ دم
ذو الفقار شلون مابيك شي وانتتتَ شاك بروحك
بيك سرطااااااااان!!!!!!
انخدش گلـــبي واذاني صار بيهه صوت من السمعته
باوعت عليه بسرعة خزرهه وباوعلي يحچي
-العُـقـاب: ماعليچ بيها تمسلت هاي
-رحـمـة: س-سرطانيش هاي شگاعد تحچين رويدة!
حچت خالة بعبرة
-فريدة: تعالوا بنات نطلع خلوهم سوية يتفاهمون
YOU ARE READING
العُقاب 13
Mystery / Thrillerمن أرضِ الشجَرة الخبيثة تبدأ الحِكاية.. "العُقاب 13" بقلمي: زاي العَنبري. لا اُحلل اخذ الرواية ونشرها كاملة في الواتباد 🧡.
