#العُقاب_13
بقلمي: زاي العَنبري 💚
لتنسون التصويت + التعليق بين الفقرات + مُتابعة
لـ حسابي الشخصي @Mszay7 🌿.
**
حتى الحزن مل مني
جبت العمر بس لچمات
ومدري شماله گلبي
تلوگله الونّات .
-زاي العَنبري .
• ــــــــــــــــــــــــــــــــ( 🦅 )ـــــــــــــــــــــــــــــــ •
آرفلون "
بست التربة ورفعت راسي ادعي ، نزعت حرامي ولميت
مصلايتي گايمة ؏ حيلي وانه اهمس بخشوع ، يارب
ارحم اُمة محمد وانه منهم
طبيت للغــرفة فتحت الجرارة وضميت اغراض الصلاة
باوعت لـ روحـــي بالمراية ومسحت وجهي متنهدة
فتحت شعري ووگفت اضفر بي صافنة
صارلي اسبوعين هنا ، اسبوعين گضن بين رحـــمة الله
وبين هالحياة ، مرات يجـي للبيت بس مايدخل للغرفة
ومن يطلع يقفل الشقة من برة وياخذ المفتاح وياه
من هو هنا
ام شهد تجي دوم
تجيب اكل
خوش مرة ، حبابة
وشهد مرات تجي تطمئن ؏ حالتي
وتساعدني من اواجهه مشاكل بالعلاج
الحمدلله ؏ كل حال الله يقسملنه الـ بي خير ، ( فتوكل
على الله ان الله يحب المتوكلين ) .
(ومالنا لا نتوكل على الله وقد هدانا سُبُلنا)
مادام الله موجود
وشاهد
كلنه بخير
محد ينظلم وفوگ راسه رب
كملت ضفر ، طلعت من الغـــرفة للمطبخ فتحت الثلاجة
كلشي بيها باوعت وكت الضهر لازم اسوي غدة
يجوز يجي للبيت
حتى لو أذاني وضرني
شلون اعوفه بدون اكل يعني وين ياكل؟
مو يـعني يكسر خاطري او استخطية بس مادري ، حتى
ما اتحاسب يم الله وهم مامسوية اله مسوية لروحـــي
واحس حسابة وياي ، انه كلشي اعرف اطبخ ماما من
صرنه اول متوسط بدت تعلمنه
طلعت دجاج
گصيت فخذ
وسويت مرگ سلگ وتمن
انه ما اكل الدجاج
ولا اللحم الأحمر
ما احبهن ، مو تبطرن لو تفزگن
بس مو بإيدي ما اگدر آكلهن
استوا الغدة
طفيت الطبّاخ
عزلت المطبخ ورجعت للغـــرفة ظاله وحدي وين اروحن
اتذكرت ارجوان ورحــومة ، وعلي
دمعت عيوني
فدوة ليـــش هالگد طوّل بُعدكم
يارب لم شملي بأهلي من جديد
تمددت ؏ الچرباية اباوع
على الأخشاب الحلوة الراقية
ميز المراية المتروس مُكياجات وعطورات
النزلة الحلوة الـ نايـمة عليهه ، تصميم الغـــرفة وصُبغهه
YOU ARE READING
العُقاب 13
Mystery / Thrillerمن أرضِ الشجَرة الخبيثة تبدأ الحِكاية.. "العُقاب 13" بقلمي: زاي العَنبري. لا اُحلل اخذ الرواية ونشرها كاملة في الواتباد 🧡.
