العُقاب 13

Part «35»

#العُـقـاب_13

بقــلمي: زاي العَنبري 🌿

لتنسون التصويت + التعليق بين الفقرات + مُتابعة
لحسابي الشخصي Mszay7 💚.

••

تعبت وروحِي جزعت مِن العتاب
كل مَا أريد أسوُلف تغرگ العين

أنه بيّه سوالف تشتهي الموت
ويگلي الموت لا موُ هسة بعدين

يسألوني وأگلهُم عايـش بخير
أنه چذاب عَشت العمر موُ زين

• ــــــــــــــــــــــــــــــــ( 🦅 )ـــــــــــــــــــــــــــــــ •

أرجوان "

واگـفة مثل الصَنم گدام الباب وانـه اسمع كلام ذو الفقار
وحچيه وقصته وسرده وصوته المهضوم ، گمت احس
رجليّة ماتشيلني والصينية راح تطيح من إديناتي

من طلعت من الغـــرفة تذكرت رحايم ما اخذت علاجهه
حطيت گلاص ماي والعلاج بصينية صغيرة ورجعت
گلت بس اطيهياه واطلع عنهم

بس.. بس إنصدمت من سمعت ذو الفقار يسولف للأسف
خانتني تربيتي وظليت واگــــفة استمع والصدمة!!!!!!
الصدمة بابا مات مكتول! والصار وي ذو الفقار.....

فززتني شهگات رحمة الـ طالعة من عُمق گلبهه
صوت بواچيهه وشهگاتهه تكسر الگلب
گعدت ؏ حيلي بصف الباب اسمعهه تحچـي وتناشع..

رحــمة :- ي-يعني يعني ماتت؟

مسح دموعي وحچه بحنية وإبتسامة..
العُـقـاب :- الله يرحمهه لا تبچين دموعچ غسّلني يبوية

رحــمة :- بس.. بس ، ناشغت :- بس شلون خطية والله

العُـقـاب :- محّد يموت ناقص عمر وربچ مايقسم غلط
حاشى لحضرته

رحــمة :- ش-شصار وراهه

العُـقـاب :- مادام تبچين بعد ما اسولفلچ كافـي

مسحت دموعي بسرعة وحچيت انشغ..
رحــمة :- بعد ما ابچـي والله ما ابچـي شوف هالسكتت

حچيتهه وفلتت شهگة مني..

نزلت دموعي من تدنه باس عيوني وهمس بقهر..
-العُـقـاب: عمية عيني كون بچيتچ

-رحــمة: لا إراديًا تحركت إديناتي وشبگته حيل ساكتة
وگلـــبي يدگ سرريع حسبالك كلشي بجسمي توقف
وبس گلــــبي الـ ينسمع نبضة بهاللحظة

همست وتجمعت الدموع بعيوني..
-ياحسرتي كل هذا صار وياك؟ آسفة لأن عشت كل هذا
ومريت بكل هالظروف الصعبة ذو الفقار انه آسفة نيابةً
عن كل الظروف وعن كل شخص أذّاك وما اعتذر منك