Part «59»

25.1K 1.6K 500
                                    

#العُـقـاب_13

#بـقـلـمـي: زاي العَـنـبـري 💚

لتنسون التصووووووويت + التعليق بيت الفقرات + متابعة حسابي الشخصي Mszay7 🌿.

°°
گلبچ ألطَف من وردهُم يَا ꪆرِدتي ♥️.

• ــــــــــــــــــــــــــــــــ( 🦅 )ـــــــــــــــــــــــــــــــ •

واگفـــة گدام المرايــــة واباꪆع عـــلى شكلي وملامحـي
عيوني العادية ، بشرتي السمرة ، رفعت ايدي اتلمست
شعري الكيرلـي ، انكسرت فرحتي

انه منو يحبنـي؟ منـو يقبل بهيچ وحدة مثلي؟ هالسمار
الطاغي على بشرتي شيصير لو ينگلب بياض؟ ادري
بنفسي مو حلـوة ولا اوصللهن ذرة وحدة

هو ويـن ويحبچ؟
شايـفـة الإختلاف بجمالكم وشخصياتكم؟

وهَـــــج إصحي على نفسچ !

-وهـــج: آنــه وهـج المعروفة بإسم "جـꪆرية" الـتحچي
وياكم هي البنت الوحـــــيدة لـ رجُل الأعــــمال الشهير
كـــــفاح گــاطـع إبراهــــيم الأيـوبي والحفيدة الثالثة
لـ بيت المُلا المعروفين

من صرت ؏ الدنــيا اهلي ما اعلـنوا عن وجــودي للناس
الا لأقرب الأصدقاء حتى يحافظون ؏ حياتي ويقللون
نسب التهديد بالعائـــلة ، ماضهرت للعلن إلا بعد ماصار
عمري 10 سنوات ، بـهاي المُدة عشت حياتي محرومة
من ڪُل طلعات العائـــــلة وشهرتـــــهم ، قضيت أغلب
حياتي بين المدرسة والسفر .

وبعد ماصار عـمري 15 سنة ، واخيراً قرروا اهلي
يضهرون كرامتي كإبـنه الهم ويعترفون بيّه امام العلن

بدت رحلتي وي هالمكانة وهالحمـل الثقيل على اكتافي
ممكن يشوفه البعض شيء حلـــو انـتَ مولود وبحلگك
ملعقة من ذهب عائلتك مُتمكنة مادياً بس للأسف هذا
اسوأ شي يتعرضله الإنسان

انهُ يكون غني بالمال وفقير للحنان ..

حصلت على كل الأحياجات المادية بـس ما اگدر أگول
نفس الشي حول الاحتياجات المعنوية والنفسية، انه
ما انكر فضل أهلي ولا انكر تربيتهم

بس همَ چانوا ميهتمون هواية ميراقبوني ميحاسبوني
من أسوي غلط او اتعارك بالمدرسة بابا يحلهه وتقفل
السالفة عنده مايسألني ليش عاركت اصلاً

ماما.. ماما حنونة ومستحيل يجي واحد مثلهه ، بـس
العيب الوحيد انهُ هذا الحنان منصب ؏ مُعتـز وجسام
فقط ، انه خارج القوس ، چانت مشغولة بيهم ونست
انهُ انه احتاجهه أكثر منهم

ادري بيهه تحبني ، بس هذا طبعهه وطبع اهلي بصورة
عامة ، ميهتمون بيك إلا لمن انتَ تحچيلهم شصاير
وياك وانه بطبعي انسانة كتومة جداً

العُقاب 13حيث تعيش القصص. اكتشف الآن