Part «16»

38.3K 2K 908
                                    

#العُقاب 13 🦅

#بقلمي: زاي العنبري 💚

لتنسون التصويت + التعليق بين الفقرات + متابعة
حسابي الشخصي Mszay7@ 💚

* *
أحسّك لغز ،
شنهو انتَ وشنو اوصافك !؟

• ــــــــــــــــــــــــــــــــ( 🦅 )ـــــــــــــــــــــــــــــــ •

رويده "

ضليت صافنة بوجهه ؏ جُـــملته الغريــــيبة، مادري شنـو
أنرسم ؏ ملامحي بحيث فز وحچه بسرعة..

يـعرُب :- لا تفهميني غلط محد اله عـــلاقة بالثاني بَـس
نتشارك الغرفة مثل شُركاء السكن ها؟

فركت ايدي وحچيت خجلانة..
رويده :- ليش تاخذ أذنــي هيَ غرفتك عادي أنــه اطلع
لغير غرفة .

رفعت راسي قلقانة شفته تقدّم بهدوء مثل التعبان أنــه
فاهمة قصدة بس ما أريد اضل ويا بالغرفة نـفسهه
اموت مامتعودة واستحي .

يـعرُب :- رويدة

رويدة :- ها

يـعرُب :- أدري بيچ فاهمتني، ماكو داعي تتقيدين والله
ما اوصلچ ولا أتــدخل بيچ مُجــرد مانتشارك الغرفة
بَـس علمود جدي يسكت ويعوفنا

رويدة :- ردت احچي بس سكتت من شفته صافن على
الدوشگ المادته بالگا؏، عگد حواجبة وباوعلي مثل
المافاهم شــي..

يـعرُب :- هذا الفراش الچ ؟

رويدة :- هزيت راسي

يـعرُب :- چا المن فارشة بالگاع مو هاي الچرباية يمچ!!؟

احتاريت شگله أنـه من أول يوم ماردت انام ؏ چربايتة
احسهه عيب ومو ملائــمة.. مديت ايدي جوه الشال
رجعت خصلة من شعري ورا أذنـــي وحچيت..

رويدة :- هو شسمة ماعَرف انام ؏ فراش غير فراشي

باوعتله رفع حاجبة،
وسوة حركة بحلگة مثل المتسغرب..

يـعرُب :- طيب براحتچ .

رويدة :- حچـاهه وراح شمر روحــــه ؏ الچرباية ومبين
من شكلة حيل تعبان عود ليش هچي دومم تعبان؟
معقولة شغلة هالگد يتعب !!

أنــه من شفته هچــي تعبان كسر خاطري رحت طفيت
الشاشة والأضوية خطية حتى ينام.. نزعت حجابي
ورحت مديت روحي ؏ فراشي..

ثوانــي مرت وسمعت صوته..

يـعرُب :- رويدة

رويدة :- ها

يـعرُب :- ليش طفيتي الشاشة ماعليچ بيّه

رويدة :- مو علمودك أنــه نعست

يـعرُب :- خوش

رويدة :- خوش

حچيتهه وغمضت عـيوني وبسرعة غفيت فزيت الصُبح
هو ماهو بَـس ريـــحة الجگاير تارسة الغرفة ترس
تنهدت بحيرة ورحت فتحت الشبابيك

العُقاب 13حيث تعيش القصص. اكتشف الآن