العُقاب 13

Part «40»

#العُـقـاب 13

بقلـــمي: زاي العَنبري 💚

لتنسون التصويت + التعليق بين الفقرات + مُتابعة
حسابي الشخصي @Mszay7 🌿.

°°
مِعَقوّلة مِا تِنقهُر !
وتنّام گبَل ١٢
مِو مِثليّ تِشبَع بَچي
وتَسولفِ ويَ الصَور
عَمِي انتَ گلبَك قوّيَ
وتِنسّة التَحِبة گُبل
و بَخيّر تِكضَي العُمر
بَس انَي گلبَيّ سَكطَ
لمِن عَفتِني ورحِتّ
مِرتيَن ردَت
انَتحِر .

• ــــــــــــــــــــــــــــــــ( 🦅 )ـــــــــــــــــــــــــــــــ •

قبل اكثر من ثمانيةَ عشرَ عام

ذو الفـقـار :- گبل لا يحـترگ الكـوخ من چنا گاعدين
اربعتنا ، انه وانتِ يازمُرد واُبهاتنه..

كلشي سولفته الچ قبل هالحدث صحيح بس الصار
والسمعتيه وراه بي هواي مقاطع محذوفة حتى
الحقيقة تظل مجهولة وماتعرفينهه .

لافچ بقمصلتي وگاعد گدام الصوبة ، اسمع لسوالف
ابوي وابوچ الحلوة بحماس بس قطع عني هذا
الحماس صوت چنت اعتبره قدوتي .

فيّاض :- فقيّر عمي يـله اخذ رحومة ورد للبيت

ذو الفـقـار :- ليش ليش اريد اظل وياكُمم!

فــلاح :- تأخر الوكت بوية ومريتك ظلت تغفي

ذو الفـقـار :- عبست وجـهي ضايج وگمت ماخذچ
ويـاي گلت اوديچ للبيت وارد يمهم و؏ السريع
أخذتچ ورجعت للبيت طاير

ظليتِ تبچين تردين ابــوچ
وانه امسح بدموعچ واحبب بوجهچ بـس اريـدچ
تسكتين بــــعدنه ماواصلين للبيت وغافلتيني
هديتي إيــدي وركضتِ راجــعة للكـوخ .

انــتِ تركضين وانه وراچ مثل الزيبگ اريد اللحگ
عليچ ماكو حسبالك شادة محرّك ، فتحتي باب
الكــوخ وطبيتِ وانه بعدنـي بعيد

ردت اطب وراچ بس الصار بـ هذيچ الليلة جبرني
اظل واگف برة الكــوخ وما ادخله ، إذا تتذكرين
گتلچ چـنا گاعدين وابوي وابوچ شــموا ريـــحة
شي محترگ ومالحگوا ؏ ارواحهم بس الحقيقة
تختلف اختلاف شاسع عن السولفته..

الـ صار او بـ صورة اوضح.. "شلون احترگ الكوخ"
چنت بعدني برة مافـايت للكــــوخ وشفت واحد
يتحرك وراه حــركة واضـحة مشيت على كيفي
اريد اعَرف منو هذا

بسرعة شفت ابوچ گدام باب الكوخ خفت امشي
ويعيط بيه چي گالي روح ورجعت يمهم گلت
خلي يطب بلكت يشوفچ واذا طبيت وراه اگله
علمودچ اجيت عفتيني ورجعتِ بس الفاجئني
شد باب الكوخ على كييف بـ حبل وي الگصب
المبني منه بحيث الباب ماينفتح من جوة