#العُـقـاب 13
#بقــلـمي: زاي العَـنـبـري 💚
لتنسون التصويت + التعليق بين الفقرات + متابعة حسابي الشخصي Mszay7 🌿.
••
الليلة كِل شوغات روحِــي
وكِل بواچيها وحِـزنها
التمن بصدري وذكرتك
شلون اقنعهن
خسرتَك ... ؟
• ــــــــــــــــــــــــــــــــ( 🦅 )ـــــــــــــــــــــــــــــــ •
رويدة "
واگفة ؏ الشباچ حاضنة إديناتي لصدري وعيوني تباوع
على القبب الشريفة ، بس بالـي مو يمهن.. بالي بعيد
قبل كم يوم ذو الفـقـار سولـــف وياي عن الصار وليش
هچي ضحّه بيه وودانـي للغرب وشرحلي شلون انهُ
چانت خطة حتى يحميني
الغريب انــهُ ماچان بارد مثل ماعرفته سابقًا ، هذا الأخ
الجديد حنون ودافي وصاحب گلب طيب يحتويني
اعتقد غيمة البرود الچانت بيناتنه انزاحت
سألته ليش خليتني هالگد عدهم؟ ليش مااخذني منهم
من سنحتله الفرصة ..؟ وبوكتهه تنهد وجاوبني
"چان عدي هواي امور غير الناس اليهددونـي ، ماردت
ادخلچ بيها لحد ماتخلص" واعتقد من بين هالأمـور
ثأره من بيت عمي فياض
تنهدت رافعة جهازي اباوع بيه بلكي إشعار من يـعرب
إتصال؟ بس كلشي ماكو
آخـر مرة حچيت وياه من گال على أساس يحچي وي
ذو الفقار بس من ذيچ المـرة وهو خطه مغلق حتى
ورقم رقية خارج الخدمـة محد يجاوبني
شصايـر وياهم؟
گلــبي نار شلون اعرف اخبارهم
يارب ماصايـر بيهم شي
يارب احميهم واسترهم بستر أهل البيت عليهم السلام
اندگ الباب حچيت بهدوء "فوت"
دخل ذو الفـقـار مبتسم بإيدة صينية أكل
-العُـقـاب: گالوا صهبتنه مارضت تنزل تتريگ
تبسّمت بتعب
-رويدة: ما اشتهي هالفترة
-العُـقـاب: لااا افه ماتشتهين شنو! تعاي جبتلچ ريـوگ
من هذا الزيـن وشرط انه حضرته
-رويدة: ليش هچي تعبت نفسك انه لو جوعانة چان
سويت والله
ابتسم وهمس "تعبچ راحة" واشرلي اجي يمه
خطيت خطوات ثگيلة واضم اصابيعي بطرف ارداني
هو يتصرف بشكل طبيعي حسبالك صارلنه قرن سوية
اخو واخته ؏ حب الله والعائلة ، بس انه استحي
منه ومامتعودة عليه هواي
من چــنه ببيت جدو وچنت اصعدله للطابق دائمًا چان
بارد وشديد السخرية ، أحس شخصيته الجِدية هاي
والحنونة والأخو اليحب اخته ، غريبة عليّه
YOU ARE READING
العُقاب 13
Mystery / Thrillerمن أرضِ الشجَرة الخبيثة تبدأ الحِكاية.. "العُقاب 13" بقلمي: زاي العَنبري. لا اُحلل اخذ الرواية ونشرها كاملة في الواتباد 🧡.
