#العُـقـاب_13
#بقـلـمـي: زاي العَنــبـري 💚
لتنسون التصويت + التعليق بين الفقرات + مُتابعة حسابي الشخصـي Mszay7 🌿.
°°
ترى المَريت بيهن مو شويـة
ماريدَن شخص يعتب عليّه
المخلص حَياته بهيچ صَدمات
تلگه بـ روحَه چادَر
مو بـنـيـة !♥️
• ــــــــــــــــــــــــــــــــ( 🦅 )ـــــــــــــــــــــــــــــــ •
آرفــــلون "
السيارة تمشي وروحــــي تصعد للسماء بكل ميل تقطعه
أحس نفسي خسرت شي چبير وروحي صارت فارغة
تشتت وخربطتني أفكاري
اُرجُـوان الچنت أدگ وانـــوح على شوفتهه هسة عادي
گاعدة بصفي.. قريبة.. بس ماعندي مشاعر اشتياق
تجاهه ، گلـــبي أحسه بارد
صح طلعت من تجـربـــة صعبة
بس هالتجربـة كلفتني هواي اشياء .
باوعت لأصابيعي اتفاجئت من شفتهن مابيهن شي
مساع انعوجن شلون هسة رجعن طبيعيات؟
معقولـة لأن رخت اعصابي؟
نبهني من شرودي صوتهه القلق
-أرجـــوان: عـــــــلي ، وين رايحين وشراح تسوي؟
-عــــــلي: العين بالعين والسن بالسن والأخت بالأخت
كُلشي اِله ثمن ، ماكو شي ينضم اللي راح أسويـه
يخليهم يعضون اصابعهم ندم
بزني گلــــبي وحچيت..
-آرفــــلون: بس لا تريد تدخل جورية؟ انه خير مثال
شوف شصار بيه تريد تعيد هالمأساة وياهه!!
-عــــلي: ماتتأذى ، انه مو جاهل أعرف شجاي اسوي
-أُرجُـوان: عــــلي الناوي تسويه أكبر غلط !
-عــــلي: هو شنوَ الناوي اسويه؟
-أُرجُـوان: مادري أي شي ببالك
-عـــــلي: حاليًا ماحاط ببالي غيـر انهُ نـــرجع ؏ البيت
ونـــــرتاح حتى باچـر نروح لرحـمـة .
-آرفــــلون: چا هـي وين؟ عـــــلي تره رحـمـة بديالى
وين لگيتوهه يمتى؟
باوعت لأرجـوان تنهدت بتعب وغمضت عيونهه
-أُرجُـوان: اثاري انتِ ماتدرين شصار
-عـــــلي: ولا انه ادري ، شصــار؟ الأعرفـــه رحـمـة وي
رجلهه بكربلاء شوداهه لديالى؟؟!!
-أُرجـوان: شمدريك بيهه؟
فزيت من صرخ
-عـــــلي: شنو شمدريني رحـمـة شعدهه بدياااااالى؟؟؟
YOU ARE READING
العُقاب 13
Mystery / Thrillerمن أرضِ الشجَرة الخبيثة تبدأ الحِكاية.. "العُقاب 13" بقلمي: زاي العَنبري. لا اُحلل اخذ الرواية ونشرها كاملة في الواتباد 🧡.
