#العُـقـاب 13
#بقلـــمي: زاي العَنـبري 💚
لتنسون التصويت + التعليق بين الفقرات + متابعة حسابي الشخصي Mszay7 🌿.
°°
صح أبيض وجه
بس ڪَلبك أسود حيل
أسود من حصار الواحد وتسعين!
• ــــــــــــــــــــــــــــــــ( 🦅 )ـــــــــــــــــــــــــــــــ •
رحـــمة "
واگـــفة طول بطول گدامة سمعت حچايته وابتسمت
ساخرة ، انتقلت عيني بجمود ناحية جدو وبصوت
بارد جمهوري حچيت
رحـــمة :- شرجعك !؟
تقدم عليّه إيديه بجيوبة يحچي بعيون تغلي
العُـقـاب :- ٣ أشهر ، هاي صارلي ٣ أشهر ادور عليچ
ماخليت مڪان لا مستشفى لا سجن لا إمام بس
اريد اللگاچ وانتِ فص ملح وذاب !
كتفت إديناتي وحچيت مستهزأ
رحـــمة :- لا بـشرفك ! شنــو حس ضميرك ورجعت
لو انمست رجولتك الضئيلة ؟ مو حضرة جنابڪ
هدمت الدنيا وسافرت شرجعك ؟
العُـقـاب :- اطفالي الشايلتهم
رحــــمة :- هههه ومنو يگول أطفالك؟ صارلي ٣ أشهر
هنا شمدريك شسويت ماسوي..
قطع جملتي صرخته الغاضبة
باوعتله بإزدراء ودرت عيونـي ؏ جدو المتكتر..
أشرت عليه بسبابتي وحچيت
رحـــمة :- هو گالك؟ لو ڪلعادة انتَ عرفت بنفسك؟
ابتسم وحچى بـهدوء
العُـقـاب :- لا مگرود ، هو گالـي ودلّانـي بمكانچ
رحـــمة :- كافي خلص ماريد اسمع صوتك
درت وجهي لجدو أحچـي بهدوء وأحس بضلوعي
چانون :- أختصرلي السالفة وگلي شلون عرفت
گــاطـع :- لابُد تعرفين آنـه ما سويت أي شي يضرچ
ڪله لمصلحتچ ومصلحة أطفالكم
رحـــمة :- أطفالييي اطفالي مو "اطفالكم" هاي ميم
الجماعة شيلهه همَ اطفالي انه فقطط ! هاي نقطة
نقطة ثانية ادري بيك جدو هو انت ويين اكو منك
شيب راسك بس حتى تسويلنه الصح
:- كافي مهزلة هيچ مسرحيات شبعانة منهه مصلحتي
ومصلحة عائلتي ومصلحة جيراني ومصلحة موتاي
ومصلحة جدي التاسع عشر ماا شاء الله هاي ڪلهه
انتَ متكفل بيهه شريف مو بإيـدك بس للأسف اريد
اگلك ڪلمممن يعرف مصلحته شكراً جزيلاً گـــاطع
إبراهـــــيم هالمرة سويتهه مرة ثانية لتعيدهه
التقطت اذني صوت تصوفر ونبرة ساخرة
العُـقـاب :- بالگصته جابتهه گطوعي
رحــــمة :- أحسلك هيچ؟؟ هو هذا الجبته واجيتني
ظال بس يستهزأ بيك !
أنت تقرأ
العُقاب 13
Mystery / Thrillerمن أرضِ الشجَرة الخبيثة تبدأ الحِكاية.. "العُقاب 13" بقلمي: زاي العَنبري. لا اُحلل اخذ الرواية ونشرها كاملة في الواتباد 🧡.
