Part «20»

29K 1.5K 1.5K
                                    

#العُقاب 13

#بقلمي: زاي العنبري 💚

لتنسون التصويت + التعليق بين الفقرات + مُتابعة
حسابي الشخصي Mszay7@ 🌿 .

"‏اشرب قهوتك، واعتنق الصمت،
ولا تأخذ الناس على محمل الجد..
لا تأخذ الحياة على عاتقك،
ولا تبالغ في عاطفتك،
ولا تُرضي أحدًا رغمًا عنك."

- محمود دَروِيــش .

• ــــــــــــــــــــــــــــــــ( 🦅 )ـــــــــــــــــــــــــــــــ •

رحــمة "

ضليت صافنة ؏ الكَلام إللي حچاه وعقلي رافض رفض
قاطع يصدگ هذا حچيه ، لأن أدري بي شوية ويگلي

"اتشاقة وياچ"

غمضت عيوني بتعب وجريت نفس قوي ، رفعت إيديه
حاوطت رگبته ؏ شكل حضنه وهمست يم إذنه..

-ذو الفقار

-همم

-يـابة وابا عبدالله الحُسين إذا ما وخـرت عني يـ الوحك
بدفرة إلا اگطع نسلك بيها

سمعت ضحكتة وبسرعة عافني بالهوا وإبتعد..

-أتشاقة وياچ

-هه

عفته وطلعت من الغـرفة گدامة ، حلو والله بعد سويني
مرتك وگلي أتشاقة وياچ الچلب الأبيض خربط الي
مشاعري كلهه..

طلع وراي سبقتة ودخلت بالمصعد ثوانـــي وصعد وراي
اللتزمت الصمت لأن گلـــبي لـ هسة يدگ من سالفتة
الخايسة همْ مرض وهمْ ماگاعد راحة

باوعتله من المراية مالت المصعد ، منتچي وحاط إيدي
بجيوب كوته ومغمض عيونه ، تحسه بــعالم مُوزاي
دبزته فز وباوعلي..

-شبيك؟

-شبيه؟

-هو انه اسأل

-مابيّه

-خوش

سكَتت ودرت وجهي ، التهيت بأفكاري لمن وصلنه لأول
طابق نزلنة وطلعنة من الفندق بشكل كُلي..

باوعت ؏ الناس والطُرقات وباوعت ؏ ذو الفقار عيونه
متوتره بشكل ملحوظ وبؤبؤ عــيونه يتحرك بشكل
عشوائي بين الناس والضجيج

شابكَت ايدي بإيده گُبل باوعلهن..

-ميخالف اهدأ

-لا تعوفيني

-ماعفتك ولا راح اعوفك

هز راسه ومشينه ، رحــنا لمطعم مامعروف حتى الناس
الموجودة بي قليلة ، دخلنا لصالة العوائل واتسقرينا
على وحدة من الطاولات البعيدة..

العُقاب 13حيث تعيش القصص. اكتشف الآن