Part «42»

21.2K 1.2K 425
                                    

#العُـقـاب 13

بقـــلمي: زاي العَنبري 💚

لتنسون التصويت + التعليق بين الفقرات + مُتابعة
حسابي الشخصي Mszay7@ 🌿.

°°
ولأن بعض الظن إثم
حِسبنا گلوبكم عَنبر .

• ــــــــــــــــــــــــــــــــ( 🦅 )ـــــــــــــــــــــــــــــــ •

آرفــلون :- سولفت الهه كلشي ، من بداية معرفتي
بـ بيت گـطان لجون لأدوَر لمراسلتي وياه لـ رغد
وشلون خلته يشوفني وره المدرسة وعلى مُعتز
من مادري شلون عرف بالموضوع

آرفــلون :- وهسة عرفتِ شنو الخلانـي اروح وياه
؏ الشقة؟ هددنـي وحط مسدس بخاصرتي !

ما اسولف عن صدمتهه ، هزت راسهه بالرفض
وحچت بعد فترة ، متعلثمة..

رحـــمة :- هاي افهمها ، وافهم انتِ رحتِ للسيارة
علمود تجيبين علاجة.. بس شنو صار وراهه؟

دمعت عيوني وحچيت
آرفــلون :- رحــمة أخذنـــي ؏ الشقة ، غلط عليّه
وسبني ، وسب اهلنه ، وضربنـي ، رحايم والله..
همست مختنگة :- گطع الحزام عليّه

:- شالنـي من شعري ، رگع راسي بـ الگاع.. خاف
هو ناسي انــه مانسيت ، كل يوم اگعد اتذكر
شلون جنزنـي ذيچ الليلة

:- ضرب وحوش ، انه الـ حياتي كلهه مامطگوگة
راشدي الحياتـي كلهه خلصتهه بدلالكم انــتِ
وعلي كسّرنـي ذاك الحيوان ودمّانـي .

رحــمة :- من الله يـطيح حظة هالقندرة ابن الـ٦٠
قندرة چا على اساس ابوه شنو حتى هو تعاي
يمي يروحـي تعاي المّچ بحضني

تقربت مني شبگتهه وحبيت شعرهه احچي
رحـــمة :- وبعد شسوالچ احچـي لا تضمين عليّه

حچت تنشغ
آرفــلون :- من گد ماضربنــي فقدت الوعي ومن
گعدت لگيت فوگ راسي بنية شابة وانه بإيدي
كانيولا وراسي ملفوف كله

بس تذكرت الصار بچيت بخوف وهمست
آرفــلون :- منوو انتتِ حبابة وآنـه ويين ويييين!!

ابتسمت وجاوبتني بـ هدوء
شهد :- انه الممرضة شهد ، لتخافين حبيبتي ماكو
شي ان شاءالله ووگعتچ من الدرج ما اثرت بيچ
هواي ، بس عينچ تأذت وتطيب بالعلاج

بلعت ريگ وهمست
آرفــلون :- ش-شنو ؟ وگعتي من الدرج!

انتبهت من طلع عِز الديــن من الحمام مال الغرفة
شفت إدينه مبلله بس شفته شهگت واتراجعت
؏ الچرباية اعصر بالغطا بخوف

عِز الديــن :- شلون صارت

باوعتلي شهد وهزت راسهه گايــمة
شهد :- الحمدلله احسن ، مابيها ؏ العافية يارب .

العُقاب 13حيث تعيش القصص. اكتشف الآن