Part «49»

27.6K 1.5K 641
                                    

#العُـقـاب 13

#بـقـلـمـي: زاي العَـنـبـري 💚

لتنسون التصويت + التعليق بين الفقرات + متابعة حسابــي الشخصي Mszay7@ 🌿.

Insta: Zayalanbri ♥️.

°°
أدري ماتسوه ،
لجنْ بعدك عَزيز

أذكر سويعَات منك زينهَ
كون ترهَم
جا نسيتَك من زمان
لكن الياخِذ مكانَك وينه ؟ .

• ــــــــــــــــــــــــــــــــ( 🦅 )ـــــــــــــــــــــــــــــــ •

أُرجُــوان ෆ

روحـــي إنمردت مرد عصرت الصور بإيدي بحرگة متت
من الغيرة والتفڪير خبلـني منو هاي منين وشتصير
من مُعتصم ليش ضام صورهه وليش بايسهه وليش
كاتب هيچ شي ؏ صورتها!!

أخذت الصورة ضميتهه جوة ملابسي ورجعت الألبــوم
داخل الصندوگ روحـي فوگ حزنهه زادت نار رجّعت
الصنــدوگ لـ مكانه القديــــم وعزلت الملابـس البقت
شلون ماچان بس ردت أخلص

انتظرت يرجع مُعتصم من الشغل خلصت اليوم الوب
ألف فكرة ببالي ماقلقني إلا من بايسهه وهالعبارة
المكتوبة وره الصورة شتصير منه منو هي

نرجـــس!

عيونهه تشبه عيونـــي كلش ، سبحان الخلق من الشبه
أربعين ، نسخة نسخة سبحان الله!

اتخبلت من أجت بـ بالي اسمائنه
اُرجُــوان ، نـرجــــس ، نفس الـوزن والحروف تقريبًا !

جريت نفــــس قوي وغمضت عــيوني اهدأ بروحـــي
أڪيد ماكو شي بيناتھم ، انه جاي اوهوس

طلعت روحــي لمن صار العصـر والولد بعدهم بالشغل
طلعت يم عماتـي وبيبي شفتهن ڪلهن متجمعات
بالصالة الچبيرة وماما گاعدة وياهن

شافتني بيبي تحچي مبتسمة
-خــولـة: ياهله عاش من شافچ بيبي

-أُرجُـوان: ايامچ العايشة بيبي ملتهية اقرة

باوعت لماما ابتسمت وطبطت ؏ المڪان الـ بصفهه
-كــارمن: تعاي يمي مشتاقتلچ.

عگدت حواجبي وتقربت گعدت بصفهه
رفعت إيدهه مسحت وجهي وتباوعلي مبتسمة

الضاهر اليوم مشتهية تمـــارس مشاعر الأمومة .

عبست وحچيت بـهدوء..
-أُرجُـوان: بعد شگد ويطلع علي من السجن؟

بهت لونهه ، يمكن بدون قصد ذكرتھه
استنشقت نفس هادئ وطرحته تحاول ماتضعف

بإبتسامة ، وبنبرة هادئة ورزنـة جاوبتني
-كــارمن: الله كريم ماظل شي جدچ يشتغل ؏ قضيته
وإن شاء الله يطلع .

العُقاب 13حيث تعيش القصص. اكتشف الآن