#العُـقـاب 13
#بقلـــمي: زاي العَنـبري 💚
لتنسون التصويت + التعليق بين الفقرات + متابعة حسابي الشخصي Mszay7 🌿.
°°
يـ المفرهد ضُوة عيوني
وكِلت فدوة
يماتسوه وكلت تسوه .
• ــــــــــــــــــــــــــــــــ( 🦅 )ـــــــــــــــــــــــــــــــ •
البارت 7300 ڪــلمة
ميتنهي إلا بڪلمة "يـتـبـع"
وإذا انتهى بدونهه يعني البارت مقطوع عدكم 💋
رحـــمة :- وهاي مَـر ؏ الصار يومين ڪاملات جدو
سوي حل مو خابرتك من نجــلاء وأجيت وگتلي
انه اتكفل بڪلشي!!
گــاطـع :- ولچ چا شبيدي انه مو هالتشوفيني ادور
وماكو والله العظيم العالم ملت من عدي بكثر ما
اكلفهم يدورون ؏ ولد آل ابراهيم
رحــمة :- عصرات راسي حيلل وانـفاسي اتخربطت
راح اموت راح انفجر من القــــهر والقـلق والخـوف
گلت لجدو وصار يومين من ندور عليهـم ولـ هسة
مالاگين ولا واحد يارب وين اخذهه وين وداهه !
الكتلني حتى جنطتهه وكــتبهه وملابسهه ماخذهن
لطمت خدي بجزع وغطيت وجهي گلــبي ينبض
بجنون عمت عيني ارفــــلون عمت عيني
إيد إنحطت ؏ متني باوعتلهه نجــلاء
نجــلاء :- حبيبتي رحـومة گومي ارتاحي صار الچ
يومين مانايـمة السهر كتلچ شوفي وجهچ صار
چنه ليمونة صفرة!
رحــمة :- نجــلاء اختي اختي هاي ثاني مرة افشل
بحمايتهه ثانـي مرة اخسرهه وما اگدر احميهه
شگد مُهملة انه شنو من اخت شنوو
بچيت بوجع وغطيت وجهي اشهگ :- والله ماعبالي
راح يصير شي گالتلي راح اقرة بالصالة شمدريني
مُعتز مندل مكانه وجاي لهنا شمدريني
گــاطـع :- محد جاي يلومچ جدي الصوچ بالسافل
هذاك چي هددته بشي چبير اجى اخذهه حتى
مايخضع لـ هالتهديد ومايطلگهه
:- وانه اگولن صارله فترة هادئ اثاري چان يراقبني
ومن مندل مكانهه انتظر الفرصة حتى يرجعهه
وياه واحنه غافلين عنه
رحـــمة :- اكرهكممم اكرررھ بيت آل إبراهـيم ساعة
السودة الأجينه بيها الكم دمرتونه ماخليتوا على
حالنه حال اللهُ الصمد اللهُ الصمدددد
شگد شايــلـه حقد وكرھ لهذاك البيت المشؤوم اللي
خرب حياتنه ودمرنه وفرق شملنه من اجينه اله
ولليوم عساني مارحتله ولا عرفت ناسه
والله لو يرجـــع بيّه الوكت ابـتر رجليه ولا اروح اله
حطيت إيدي ؏ گلـــبي والدموع ترست عيونــي
گلــبي يوجعني چن مگصوص جزء منه
أنت تقرأ
العُقاب 13
Mystery / Thrillerمن أرضِ الشجَرة الخبيثة تبدأ الحِكاية.. "العُقاب 13" بقلمي: زاي العَنبري. لا اُحلل اخذ الرواية ونشرها كاملة في الواتباد 🧡.
