العُقاب 13

Part «24»

#العُقاب 13

#بقلمي: زاي العنبري 💚

لتنسون التصويت + التعليق بين الفقرات + متابعة
حسابي الشخصي mszay7@ 🌿.

**

لگيتك وادرَي چانِت لگوتَك
صعَبة شمَيتك خبَز تنَور بالغِربة .

• ــــــــــــــــــــــــــــــــ( 🦅 )ـــــــــــــــــــــــــــــــ •

رحـــمة "

طاحت نظراته عليّه ، اتفحصني ، التقت عيوننا ورجفت
اجسادنا ، همست بصدمة..

رحــمة :- ذو الفقار !

شهگت مصدومة وركضت ناحيته ناسية كل الموجودين
وصلتله گلـبي يدگ سررريع وبدون مُقدمات رفعت
إديناتي وشبگته بقوة من رگبته

غمضت عيوني وگلـــبي يرفرف بصدري ماعدي سيطرة
على نبضاتهَ الجنونية ، لف إديه ؏ ضهري وشدني اله
بقوة بحيث حسيت بـ نبضنه يدگ دگة وحدة

حسيت بالأمان
بالراحة ، بالفرحة
شعور مايتوصف

چنت احس بالخوف ، بالوحدة ، بالغربة ، بالحزن وهسة
انتهى كل هذا من شفت ذو الفقار ، حسيتَ بر الأمان
حسيتَ اهلي وناسي بعدما چنت وسط عائلة ودولة
لا انه اعرفهم ولا همَ يعرفوني

وخرت عنه بلا ماانزل إديناتي من رگبته ، ظليت اباوع
بوجهه بصدمة وخوف وفرحة ومادري مشاعري كلها
اتخربطت بهذيچ اللحظة

باوع بعيوني وإبتسم
وانه بين إبتسامتة وبين صدمتي همست..

-ذ..ذو الفقار

-رمش عينه

-ص..صدگ انتَ نفسك الريّــــس !؟

إبتسم وهز راسه ، ظليت صافنة بوجهه كلشي مافاهمة
باوعت لإيده رفعهه ومسح خدودي بضهر اصابيعة

بلعت ريگي ووخرت عنه ، بــس بعدها عيوني مذهولة
حطيت إيدي ؏ ساعد إيده وهمست بسؤال..

رحـــمة :- فهمني شنو صار!

العُقاب :- اصبري وتفهمين

رحـــمة :- همسهه وطبطب ؏ إيدي ، سحبت روحي منه
وابتعدت ؏ جهة اباوعله وعقلي مايستوعب شي !

ذو الفقار هو نفسه الريّـــس !
لحظة هو مو سافر ؟

فزيـت من صفنتي الحزيــــنة ؏ صوت الطفلة الأجنبية
باوعتلهه شابگة ذو الفقار وتحبب بوجهه..

:- بابا تأخريت!

-: يروح بابا مو تدرين عندي سفر

حچاهه ورفع إديناتهه يبوس بيهن ورجع يبوس بوجهه
شوية وگام سلم على حدأة ومرجان والمرة الچبيرة
ومريم سلام حار وشبگهم