Part «26»

22.8K 1.3K 336
                                    

#العُقاب 13

#بقلمي: ࢪ࣪اي العنبري 💚

لتنسون التصويت + التعليق بين الفقرات + مُتابعة
حسابي الشخصي Mszay7@ 🌿.

بـارت هدية بسيط
بُمناسبة العيد الوطني 🫶🏻

**

خرَدة بأيد چَاهل گلبي مَمرُّود.

• ــــــــــــــــــــــــــــــــ( 🦅 )ـــــــــــــــــــــــــــــــ •

رحـــمة "

حسيت الدنيا إفترت بيّه ، عـــيوني غوشن من حچاياتة
شنـو الشاهد الوحيد ! شنو بابا وعمو ماتوا مقتولين !

ظليت اباوعله بصدمة ووجهي شاحب مثل الموتى

رحـــمة :- ا-انـ..انـــتَ شلون تحچي هالشكل وشمدريك!

العُقاب :- هسة عالجــي الرجال وبعدين افهمچ كلشي

باوعت ؏ الزلمة وحچيت..

رحـــمة :- والله ماعرف ذو الفقار هذا متصوب مضروب
طلقة شلون اطلعهه منه شلون اعالجة مو تدري انه
صيدلانية مو دكتورة!!

رامي :- ريّــس هذا إذا يظل ؏ هالوضعية ينتهي عجلوا

رحـــمة :- باوعت ؏ الشاب الحچى أتسائل منين هذا ؟
حطيت إيدي على راسي وغمضت عــــيوني بتعب

عقلي جاي يخربط
شنـو بابا مات مقتول!
شنو هالخربطة واللعب هذا
وهذا الرجال منين وشلون متصوب
وليش مايــاخذونـه للمُستشفى

فززنــي صوت مرجان الواضح بنــبرته الترجي..

مرجان :- خوية انسي الحچاه الريّـــس وركزيـلي بـ هذا
الطلي النايم ، علي وياچ وعليچ اُم البنين لا تنثولين
مو وكتهه كلشش

رحـــمة :- كلــماته رجعتني للواقع ، هزيت راسي فاهمة
وتقربت من الرجال الـ چان بس يون ويهذي

جرحة كلش متأذي
ومتعرض للألتهاب والأتربة ، وملچوم اكثر من مرة

باوعت لـ مرجان وحچيت بحزم..
رحـــمة :- حميلك سچينة حادة وجيبهه إلي ؏ السريع

مرجان :- شتسوين بيهه

رحـــمة :- اريد اطلع الطلقة يله بساعكك!

هز راسه وطلع من المخزن ، باوعت للشاب الغريب چان
لاف وصلة ؏ إيدة همهمت..


رحـــمة :- اطيني هاي الـ بإيدك

باوع للوصلة وحچى مُستغرب..
رامي :- هاي؟

رحـــمة :- إي هاي

العُقاب :- رامي طلعت ارواحنا يله خليناهه تنتبه إلنه
هسة صرت انتَ تصفن!

فلتهه من إيدة اطانياهه وحچى بسرعة..
رامي :- لا العفو

العُقاب 13حيث تعيش القصص. اكتشف الآن