Part «52»

25.1K 1.5K 544
                                    

#العُـقـاب 13

بقـلـمـي: زاي العَـنـبـري 💚

لتنسون التصويت + التعليق بين الفقرات + متابعة حسابي الشخصي @Mszay7 🌿.

°°
باردَه عُيوني عَليج
وگلــــبّي حار !

#عَزوزكم ♥️

• ــــــــــــــــــــــــــــــــ( 🦅 )ـــــــــــــــــــــــــــــــ •

أحبچ !

أحبچ !!!

أحبچ !!!!!!!!

آرفـــــلون :- الكتب منثورة گدامي عود إسم الله جاي
أقرة بس گاعدة وأردد بهالكلمة مامستوعبة

گالي أحبچ!
هو گالي بصريـح العبارة "أحبچ"

بس نظراً للظرف الحچاهه بيه
هم انـزرع شَـك بداخلي خلاني أحوس
معقولـة حچاهه لأن چان متأثـر بالموقف
يعني بدون وعي؟

لو يقصدهه بكل حذافيرهه؟

شمرت القلم وعطت متذمرة :- اوووف يعني شيصير
لو هسسة أگدر واروح اسأله يابة حچيتهه صدگ
لو هيچ بدون وعـي طلعت!!؟؟

-شنيه؟

طفرت مخترعة من سمعت صوته التفتت لوره شفته
منتچي ؏ الباب ومتچتف .

ديلا ابلعي
خلصتِ حياتچ بس احراجات

تحمحمت ودحست عطوبي الطافرة وره اذاني..
-آرفـــلون: شنو تريد

دخل للغرفة ڪَـــعد گدامي وسحبله الكتاب من الگاع
يحچي ويباوع بيه..

-عِز الديـن: اشوفچ شمحتاجة .

سكتت ماعَرف شحچي شني
من طلابة هاي ، رفع نظره صارت عينه بعيني
سرت قشعريرة قاسية بعمودي الفقري من نظرته

همست..
-آرفـــلون: ماعدي شي مادام دخلت بفترة المراجعـة
صرت اراجع واقره على كيفي .

-عِز الديـن: شلون خصصتِ جدول؟

-آرفـــلون: لكل مادة ٨ أيـــام هاي للحفظيات والمـواد
الوياهن شـرح فہ 5 ايام للكلامـي و7 ايام خاصات
للمسائل والإشتقاقات والإنشطة والرسومات

-عِز الديـن: هاي كلهه بإسبوع!؟

-آرفـــلون: لا مثلاً الفيزياء حفظ وشرح 5 ايام للحفظ
و7 ايام للمسائل والأنشطة اقسمهن عدي الإسلامية
اصلاً خليتلهه 5 ايام بس .

هز راسه وطلع جگاره ورثهه
-عِز الديـن: إذا تعلگين بشي گليلي أفَهمچ .

-آرفـــلون: بس عفية لا تدخن والله أختنگ

باوعلي بإستغراب وباوع للجگارة
طلعهه من بين شفايـفه صافن عليهه
ابتسم بشَـر وخلاهه گدام وجهي.

العُقاب 13حيث تعيش القصص. اكتشف الآن