" لا بأسَ بأن تعيشَ حياةً لا يفهمها الآخرون 🖤."
الحدث الخامس عشر بعنوان "مُتَنَاءٍ 555"
بقلمي : الكاتبه لافندر 🤍🫀
نتوكل على الله بذكر الآية
" بسم الله الرحمن الرحيم"
5/_/_/_/_/_/_/5_/_/_/_/_/_/5
_مستحيلللل !!!
فتحت عيوني بصدمة وانا اباوع لـ أسر نايم بمكان نومتي ومسترخي
رفع رأسه بابتسامة على مصدر الصوت :-
_ هلا والله قبل شوي نشم بالعطر هسه اجت صاحبة العطر
_ شالك الله كون، شسوي بغرفتي؟؟؟؟؟
_ تؤ تؤ هيج تدعين على زوجج المستقبلي
_ احلام العصر للأسف تبقى احلام، وهسه ممكن تطلع وهاا إياك تعيد هذا التصرف
وكف على حيله يعدل بسترة بغرور وعيونه مركزه عليّ،، اردف بخبث :- يي نشوف لوقتها، المهم آنسة اليز اعتقد شاهدتي رسالتي وصار علم عند اهلج أجيت اذكرج بموعدنا ب ٤ العصر اجي آخذج
كتفت اديه لصدري بتحدي :- كانوا مصدك نفسك راح اروح وياك
رفع كتافه بمعنى ما ادري :-
_ ما اعتقد عندج فرصة لرفض فلا تفكيرين باعذار
خزرته بحدية احاول اتمالك نفسي وما اعصب :-
_ عندي موعد وي دكتور أسنان ما اكدر اروح
ابتسم ابتسامة سخيفة وهو يغمز تك عين :-
_ عادي انا آخذج، نعيش تجربة الحياة الزوجية
_ احترام نفسك
تقرب بخطوات بطيئة يختبر بيها صبري بقيت ثابته بمكاني لحد ما فصلنا اقل المتر :-
_ لا تختبرين مدى صبري او عينج تروح على غيري لان الحساب راح يكون عسير
رفعت تك حاجب بعدم رضا اردفت باستهزاء :-
_ لا والله
نوجهه للباب وهو يحجي بنتر :- يي والله هذا الموجود
تركني ونزل، ضربت رجلي بالأرض بقهر،
اذا أرفض طلعة اليوم، بس شلون بهاي الحالة ادخل حرب وي اهلي لان حيل يحبوا
استغفرت ربي وانا اغير فرشة السرير اشمئززا حتى من اسمه
كملت وانا اجهز نفسي وابتسم كل ما اذكر راح التقي بـ أيسل ، كملت بعد ما انتبهت لساعة ١١:٣٠ص دزيت رسالة لأمي اني طالعة وارجع قبل لا يجي أفندي
ما اريد عصبية ومشاكل يكفني تبقى حياتي هادئة مع محاولتي لقلع جذور هذا الإنسان من حياتي للأبد، صفنت وانا اذكر نيار هو وين وأسر وين :-
_ أوي نهائيا ماكو شبه، اووف هسه شكو اقارن
غميت نفسي وانا اوكف انتظر ايسل أمام الجامعة
مرت دقائق بعد ما اتصلت عليها
اشوفها وأكفة أكبالي تتلفت دور عليّ رجعت غميت نفسي مرة ثانية لان ما تعرف سيارتي حتى تجي مباشرة، من وراء هذا الانتقام عقلي ضرب
YOU ARE READING
مُتَنَاءٍ 555
General Fiction_ صعب _ ما هو؟ _ ذلك الطريق _ كيف أسير فيه _ وهل تعتقد السير فيه سهلاً _ لماذا وإلى أين يرشد ؟ _ إلى طريق لا يعرفة الا القليل _كيف _ نهاية لا ينالها الا متعب وطعم لا يذقه الا جائع وشراباً يفني فيه طعم الحياة و مَرَائرُها _انا متحمس جدا، كيف الي...
