" لِنبقى أنقياء ، بُسطاء ، زُهداء لا شيء يستحق أن نتألم من أجله 🌼🤍"
الحدث الخامس والعشرون بعنوان "مُتَنَاءٍ 555"
بقلمي : الكاتبه لافندر 🤍🫀
نتوكل على الله بذكر الآية
"بسم الله الرحمن الرحيم"
5/_/_/_/_/_/_/5_/_/_/_/_/_/5
_ اليز شبيج اليوم؟
_ ما بيّ شيء
_ تمام يلا بابا نكمل شغل بسرعه حتى نطلع هذا الأسبوع ما ناوي يخلص بسبب هذا الجو سيئ
_ ان شاء الله
كملت شغلي المسائي بقلق صار فترة ما متواصله وي ايسل اخر اتصال من جانت ضايجة تركتها على راحتها لان ما تحب تحجي عن نفسها
من يومها استمريت بس تواصل برسائل ما اريد اشغلها عن دراستها بالاتصالات بس كلامنا جدا قليل، نفخت انفاسي بضوجه :- ما اتحمل بعد اريد اتصل عليها واسولف الها شنو صار وياي
طلعت من المختبر ركض لسيارة بسبب سوء الشوارع من الفيضانات، ضغطت اتصال وانا اكعد عدل بحماس اريد اعرف رأيها اذا تصرفت صح او لا هي الوحيده تنصحني بصدق ، لحظات طلع الرقم مغلق
فتحت عيوني بتسائل لأول مرة تقفل موبايلها
دزيت رسالة على الإنترنت كذلك غير متصل بقيت بقلق، استمريت بمحاولتي للوصول الها بالفشل
اقنعت نفسي بأن هي قافله الموبايل بسبب دراسة قررت باجر اروح الها لدوام اسوي الها مفاجئ وهم اعزمها على غدة بمناسبة خلص نصف العام دراسي...
فتحت عيوني ثاني يوم بحماس اليوم الجو أفضل من كل يوم اشعه الشمش الخفيفة تسلل لغرفة بصورة جميلة عبر النافذة
ابتسمت برضا وانا اسلم على امام زماني مثل ما علمتني ايسل اول ما اكعد وقبل لا انام كذلك اسلم واهدي إله سورة اخلاص ثلاثه مرات
توجهت للاسفل اسوي فطور بفرحه مشتاقه الها حيل إهواي ما توقعت بيوم هاي الانسانه المعرفتي بيها اقل الشهر هلكد احبها
صعدت بالسيارة وانا اكرر الاتصال بس للاسف نتيجة وحده " مغلق "
توجهت للمختبر تحت حركة الناس الطبيعية بتحسن الجو وعمل البلدية لتحسين الطرق
وقفت امام المستشفى بنفس الوقت وكفت سيارة نيار ضحك وهو يدگ هورن
هزيت ايدي ما عاجبني مغلسه عنه نزلت وانا اخذ بالجنطة ولاب كوت الطبي، نزل مباشرة وراي وهو لبس نظارات الشمسية ويمشي بغرور متصنع.
ضحكت باستهزاء :- الناس بس تريد الجو يتحسن وتطلع الشمس وناس بس شافت الشمس لبست النظارات
_ العفو وياي!
_ لا وي الشمس خطية طالعه شويون زعلانه لان بعض الناس تلبس نظرات وما اشوف عيونهم
_ ليش ما بعض الناس تريد تشوف عيوننا؟
ابتسم بخبث وهو يرفع تگ حاجب بتنزيل النظارات على انفه :- هاا اعترفي ؟
أنت تقرأ
مُتَنَاءٍ 555
General Fiction_ صعب _ ما هو؟ _ ذلك الطريق _ كيف أسير فيه _ وهل تعتقد السير فيه سهلاً _ لماذا وإلى أين يرشد ؟ _ إلى طريق لا يعرفة الا القليل _كيف _ نهاية لا ينالها الا متعب وطعم لا يذقه الا جائع وشراباً يفني فيه طعم الحياة و مَرَائرُها _انا متحمس جدا، كيف الي...
