زهو عُمرك سجَّان وِجداني !

٨

المملكة

شقة الشباب ..

كان مستلقي على الكنبه وبحضنه دجى وتفكيره مضيعه ، التفت لمعاذ اللي تقدم مع قهوته ناطقًا : نقدر نقول رجل اعمال راكان ؟
التفت له راكان بهدوء لين نطق بنبره غريبه : حسبته بيموت ! لو راح وهو غاضب مني وش كان بيصير فيني معاذ ؟

التفت معاذ له بتركيز غير جلسته ووضع كوبه على الطاولة : اسمعني راكان، ماراح اقول اللي سويته غلط لا انت دافعت عن صاحبك وحفظت صحبه وهذي شيم الرجال والله، بس يا راكان هذا ابوك جف حلق أَسِيف يقولك سامحه، أَسِيف رغم كل سوايا ابوه الا انه مايبي بينك وبين ابوك مشاكل ، هو يحبك وخايف عليك لكنه ترجم خوفه بطريقه غلط وظلم أَسِيف والسبب ابو أَسِيف وسمعته، لكن صدقني مجرد ما ينعرف اسم أَسِيف بعد شراكته مع عبدالله ابوك نفسه بيحبه..

تنهد وهو يكمل كلامه بهدوء بعد ما رفع كوبه يحركه بهدوء : صدقني لو يرجع بي الزمن ليلة يا راكان كان سهرت فيها مع ابوي اكثر ، العمر سراق انتبه يا العضيد

تنهد راكان وهو يدرك فعليًا كلامه ويفهمه وعدل جلسته مردف : اجل رحب معي برجل الأعمال راكان بن مساعد ..!
ابتسم معاذ واكثر مايبه بهالدنيا يرجعون اصحابه لحياتهم اللي يستحقونها ليردف راكان : وش صار على وظيفتك ؟
ضحك معاذ اللي نطق بعدها : وقعت على عقد ثلاث سنين حتى لو ابي انسحب مايمدي
تراكمت ضحكات راكان بانتصار يرفع يده يدعي : الحمدلله يالله انك تعينه ، معاذ انت بسنة وحده صار اسمك بكل حدب وصوب كأشهر محامي صدقني رجعتك ذي بتكسر الدنيا تخطى اللي صار تكفى،

سكت معاذ بهدوء يراقب اخر بقايا قهوته نطق : في شيء ما لاحظته ؟
سكت راكان ينتظره يكمل ليردف بعدها : الشركة اللي يشتغل فيها أَسِيف لا معليش اقصد شركته حاليًا وشركتك مع ابوك وشركة المحاماة اللي صرت فيها كلهم يا راكان اعداء بعض وفي كل حدب وصوب تقرأ عن المنافسة بينهم وكل حد بيطيح بثاني لا ال درع ولا ال مساعد ولا ال منصور يحبون بعض حنا تعادينا يالخويّ

مارد راكان يقلبها برأسه لين نطق بعدها : ايش اللي تخلى عنه أَسِيف ؟
وماكان من معاذ الا القول : كل شيء وعلى حسب معرفتي اظننا ضمن كل شيء
ماكان من راكان اي رد الا التفكير في هذي الاثناء صدر اشعار من جواله اللي متروك بالطاوله ، التفت معاذ له وعقد حاجبيه باستغراب ، لانه اشعار من تنبيهات سناب وتحديدًا مشهورة ماتظهر وجهها لكنها تظهر ثيابها وطلعاتها وطرف منها وشعرها وغيره ، ليردف معاذ بستغراب : عهدي بك ماتطيق السناب اشوفك مسوي تنبيهات لمشهورة !

قام وهو ياخذ الجوال بهدوء ومزح معه معاذ بنية يضحكه : حول سنابها اشوف المحتوى اللي خلاك تحمل برنامج تكره
مايدري ليه عصب عليه وليه ناظر له بكل هذا الغضب ، هو يدري ان معاذ يمزح ولا يهمه اشياء كذا بس مايدري ليه حس ماوده ياخذ سنابها حد رغم كل اللي يتابعونها
وتجاهله بعد غضبه وهو يمشي طالع تارك الاستغراب يتحكم من ملامح معاذ..!