pinagtagpi-tagping mga letra upang makabuo ng mga salitang magiging obra.
ito'y kompilasyon ng mga tula, sanaysay, at maiikling kuwento simula nang ako'y bumalik sa aking pagsusulat.
[ Contains 50 random pieces]
Date Started: July 20, 2023 Thu
Date...
Oops! This image does not follow our content guidelines. To continue publishing, please remove it or upload a different image.
Madilim na sulok ang s'yang aking karamay. Sa kahapisang inilaan sa 'kin ng buhay. Nagsilbing karsel ang sariling pamamahay. Puro pasakit saka lumbay. Sarili lamang ang naging kaagapay.
Bumalisbis ang luha. Ni walang makapipigil sa aking balisa. Dinumog ng kawalang pag-asa. Pati langit ba'y 'di ako makakaasa? O, nawa! Kaawa-awang kaluluwa!
Luha'y bumalisbis. Umalingawngaw ang pagtangis. Bulyaw n'yong 'di kanais-nais. Ang naging kadahilanan ng aking pasakit. Gan'to na lang ba ang makakamit? 'Di ako makahinga, kayo'y kayhigpit.
Tamasain sana ang galak ngunit para bang ito'y bawal. Pagkutya n'yo'y nakakawala ng aking dangal. Paulit-ulit n'yong sinasabi, "Isa kang hangal!" Dagdagan pa ng mga katagang, "Sa buhay namin, ikaw ay sagabal!" Aniya pa, "Wala kang kuwenta, sana 'di ka na lang iniluwal!"
