pinagtagpi-tagping mga letra upang makabuo ng mga salitang magiging obra.
ito'y kompilasyon ng mga tula, sanaysay, at maiikling kuwento simula nang ako'y bumalik sa aking pagsusulat.
[ Contains 50 random pieces]
Date Started: July 20, 2023 Thu
Date...
Oops! This image does not follow our content guidelines. To continue publishing, please remove it or upload a different image.
Sa tinaghuy-taghoy na kasindak-sindak lumaganap ang hapis at diwa't luha'y lumalagaslas isang sukab ang s'yang nagsara ng landas, kaya ngayo'y niring dilim 'di na makalabas.
Malaong natigil at 'di nakakibo nang humampas sa 'kin ang matinding delubyo hininga'y hinabol na ibig sanang lumayo katawang gapos, kailan kaya mangagtayo?
Tanang balahibo ko'y pinapangalisag takot ko sa akin pa ri'y bumabagabag negatibong emosyon sa akin ay nagpahayag; ako raw ay walang-hiya't kahabag-habag.
Pag-asa, halina't gapos ko'y kalagin nawa'y panaghoy ko'y iyong mapansin hikbi ko'y sana iyong sagutin nawa'y kung ako'y mamamatay sana ako'y iyo pa ring gunitain.
Dito ako't napahiyaw sa malaking hapis, butil ng luha'y bumabalisbis sabayan ng pawis na tumatagistis walang tumugon, walang nakarinig.
Andito ako't nanlulumo't tuluyan nang naguguho patuloy na hinahabol ng delubyo dito pa rin sa aking bilibid, halos nabibihay sa habag ang dibdib.
