#Unicode #
" သမီးက ဘယ်သွားရမှာမို့ အစောကြီး နိုးနေတာလဲ ဒယ်ဒီ.."
မနက်စာစာဝိုင်းမှာ အဖြူရောင် ရှပ်အင်္ကျီလေးနဲ့ ဂျင်းပြာရောင် စကပ်လေးဝတ်ထားတဲ့သမီးကို ကြည့်ပြီး ထယ်ယောင်း မေးလိုက်မိသည်။သမီးကတော့ မနေ့က သူနဲ့ အိပ်ပျော်သွားပေမဲ့ သူနိုးတော့ မရှိတော့တာကြောင့် မျက်နှာတောင်မသစ်နိုင်ဘဲ အပြေးအလွှားရှာမိတာ။ အခု မနက်စာစားနေတာတွေ့မှ သက်ပြင်းချနိုင်၏။
" ဪ..သားကို မပြောရသေးဘူးဘဲ..မြေးလေးက ကျောင်းတက်နေပြီလေ.."
"ဗျာ! "
မာမီ့စကားကြောင့် ထယ်ယောင်း အတော် အံ့ဩသွား၏။
" ဟုတ်တယ် သား..ဂျောင်ဂုလေးက မြေးလေးကို ကျောင်းထားပေးဖို့ပြောတာနဲ့ မာမီတို့လည်း ကိုယ်ပိုင်ကျောင်းမသန်စွမ်းကျောင်း မှာ သွားပြီး မူကြိုအပ်ပေးထားတာ မြေးလေးတောင် အခု ဆွံ့အနားမကြားဘာသာစကားနည်းနည်းပြောတတ်နေပြီ..
မာမီ့ စကားကြောင့် မနက်စာ ပေါင်မုန့်ယိုသုတ်လေးကို စားနေတဲ့ သမီးငယ်ကို ကြည့်လိုက်မိ၏။ကိုကိုက သမီးအတွက် တော်တော်လေး စဉ်းစားပေးခဲ့တာဘဲ...သူလည်း ဆွံ့အနားမကြား ဘာသာ သင်ကြားရမည်။ သမီးလေးနဲ့ဆက်သွယ်လို့ရအောင်...
" ဒါဆို သားရေသွားချိုးလိုက်အုံးမယ် .. ပြီးရင် သမီးလေးကို သားဘဲ ကျောင်းလိုက်ပို့လိုက်မယ်နော်...ဒါနဲ့ ကိုကိုရော မနက်စာလာမစားဘူးလား.."
" ခဏနေကျရင် ဆင်းလာမယ်ထင်တယ်.."
" ဟုတ်လား~...ဒေါ်ကြီးဂျုး.."
ထယ်ယောင်း မာမီ့စကားကြောင့် ဒေါ်ကြီးကို လှမ်းခေါ်လိုက်တော့ မီးဖိုခန်းထဲကနေ ထမင်းစားခန်းထဲ ကူးလားတဲ့ ဒေါ်ကြီး...
" ကိုကိုဆင်းလာရင် ကိုကို့အတွက် မနက်စာဘာစီစီဉ်ထားလဲ.."
" အာ! ဂျောင်ဂုလေးအတွက်...ပေါင်မုန့်နဲ့ နွားနို့ စီစဉ်ထားတယ်.."
" အင်း..ကောင်းပါတယ် ဒါနဲ့ မနေ့ကရော ဘာစီစဉ်ပေးလဲ.."
" မနေ့ကလည်း နွားနို့နဲ့ ပေါင်မုန့်ဘဲလေ..သားထယ်.."
YOU ARE READING
Dear Ko Ko ( Complete)
General Fictionမောင်သာ ကိုကို ကို သစ္စာဖောက်ခဲ့ရင်..ကိုကို နာကျင်အောင်လုပ်မိခဲ့ရင်..မောင့်တစ်ဘဝလုံး အထီးကျန်ဆန်ပြီး နာကျင်မှုတွေနဲ့ ရှင်သန်ရပါစေလို့..မောင်..ကျိန်ဆိုတယ်..ကိုကို...( ကင်မ်ထယ်ယောင်း ) ငါက..စွံ့အနားမကြားတစ်ယောက်မို့..ကြာရင် မောင် ငြီးငွေ့လာပြီး ငြိုငြ...
