Dear Ko Ko ( Complete)

Part 34

#Unicode #

နူးနူးလေးကို သူနဲ့ပြန်ခေါ်ပြီးသိပ်နေတာ တော်တော်ကြာပြီ...အခုရက်ပိုင်း မွေးခါးနီးမို့ သမီးလေးကို သူ့အနားမှာဘဲရှိစေချင်သည်။ဒါကြောင့် ကျောင်းမသွားခိုင်းဘဲနေတာ တစ်ပတ်ကျော်ပြီ..

*~.သား နူးနူးလေးကို ဒီနေ့လည်းကျောင်းမပို့ဘူးလား.~*

မာမီက စာရေးပြီးမေးလာတာကြောင့် သမီးလေးကို ပေါင်ပေါ်တင်ကာထိုင်ခိုင်းလိုက်ပြီး ခေါင်းလုံးလုံးလေးကို မွှေးကြူကာခေါင်းငြိမ့်ပြလိုက်၏။သမီးအနားမှာ မခွဲဘဲနေချင်သေးတယ်လေ..သူ့မွေးရက်ရောက်ဖို့ မလိုတော့ဘူး...ဒါကတစ်နည်းအားဖြင့် သူရဲ့ကလေးလေးကလောကထဲရောက်လာပြီး သူက ကလေးတွေကို ထားခဲ့ပြီ ထွက်သွားရမယ်လို့ဆိုလိုတာလေ...

* တောင်းပန်ပါတယ် သမီးလေး ပါးပါးတို့ မကြာခင်ခွဲရတော့မယ် မဆုံတွေ့နိုင်တဲ့ လမ်းခွဲခြင်းမျိုးနဲ့... *

ရင်ခွင်ထဲက သမီးငယ်ကို တင်းကျပ်စွာဖတ်ထားလိုက်ပြီး သူငိုမိလိုက်သည်။သူဘယ်လောက်ဘဲ နောင်တမရဘူးဆိုဆို သူ့ရဲ့ သွေးသားတွေနဲ့ခွဲရမှာတော့ နာကျင်မိ၏။သူ့ရင်ခွင်ထဲက သမီးလေးက သူ့ကို မျက်ရည်ဝဲနေတဲ့ မျက်လုံးလေးတွေနဲ့မော့ကြည့်လာပြီး သူ့ပါးပြင်က မျက်ရည်တွေကို လက်သေးသေးလေးတွေနဲ့သုတ်ပေးကာမငိုဖို့ခေါင်းခါပြတာကြောင့် လက်သေးသေးလေးကို နှုတ်ခမ်းနဲ့ထိကပ်ပြီးနမ်းရှိုက်ကာ ပိုတိုးလို့ငိုမိသည်။

ချယ်ယောင်းလည်း သူ့ရှေ့မှာ ငိုနေတဲ့ ဂျောင်ဂုလေးကြောင့် ဝမ်းနည်းလာ၏။ဒီကလေး အခုရက်ပိုင်း တမှိုင်မှိုင်နဲ့ တစ်ခါတစ်လေ ငိုနေတတ်သေးသည်။ညိုးငယ်တဲ့မျက်နှာလေးက ဖြူဖျော့လာပြီး ဘေးကမြင်နေရတဲ့သူတို့ပါ ဂျောင်ဂုလေးကိုကြည့်ပြီး ငိုနေတတ်၏။

သမီးကို လွှတ်ထွက်သွားမှာဆိုးလို့ အတင်းဖက်ထားပြီး ငိုနေတဲ့ဂျောင်ဂုကိုကြည့်ပြီး ချယ်ယောင်းမကြည့်ရက်တော့တာကြောင့် အနားကနေ ထွက်လာမိသည်။

" ဟင့်! ဘာလို့လဲ! လောကကြီးက ဘာလို့များ ပျော်နေတဲ့ မိသားစုလေးကို မုန်တိုင်းတွေဝင်ပြီး ပျက်စီးစေတာလဲ..ဟင့်!..အားးး ရင်တွေနာလိုက်တာ..ဟင့်! "