Uni
"ကိုမောင် !!!အဆင်ပြေလား "
"အင်း နည်းနည်းမူးလို့ "
သူရနဲ့ကိုမောင်ပိတ်ရက်ကို မုံရွာက ကိုမောင့် ဖိုးဖိုးနဲ့ ဖွားဖွားကို လာကန်တော့တာပါ ။ မန်းလေးမုံရွာ ကားက ဒိုင်နာ ကားလေးဖြစ်ပြီးလူတွေကော ၊ပစ္စည်းတွေကောအပြည့် ပါ ။ ကိုမောင်ကတော့ မန်းလေးကစထွက်ထဲကမူးနေတာ အခု စစ်ကိုင်းရောက်တော့ သူ့ပုခုံးပေါ် ခေါင်းရောက်လာပြီး မျက်စိကိုမဖွင့်နိုင်ပါ ။ လူမမာ လုံးလုံးကို ဖြစ်သွားရတော့ သည်။
"သူရ!! ရလား"
"ရတယ် ကိုမောင် ကျနော့ကိုမှီပြီးအိပ်လိုက်အဆင်ပြေသွားလိမ့်မယ် "
ပြည့်ဖြိုးမောင် တစ်ကိုယ်လုံးသူရ ပေါ် ရောက်နေတာမို့အားနာနေရ၏။ သူရ က သူ့အတွက် ကားနားတော့ရှူဆေးဗူးလေးဝယ်ပေးတာမို့ အဲ့ဒါလေးရှူပြီး သူရကို မှီကာ လိုက်လာခဲ့ရသည်။ ကားက ဓါတ်ဆီနံ့ရယ်၊ လူတွေအနံ့ရယ်၊ ပစ္စည်းတွေ အနံ့ရယ် ကတော့ အတော်စိုးပါ၏။ ဖွားဖွားကားနဲ့သာ သွားနေကြမို့ ပြည့်ဖြိုးမောင် ဒဏ်မခံနိုင်ပါ ။
"ရလား ကိုမောင်
ရောက်တော့မှာ မြို့အဝင်ရောက်နေပြီ "
"အင်း"
"မူးနေသေးလား "
"အင်း "
သူရတစ်လမ်းလုံးကိုမောင့်ကိုပွေ့ထားရပြီးသနား နေ၏။ မူးပြီး အန်တာလည်း ၂ခါရှိပါပြီ။ မုံရွာရောက်ရင်တော့အရင်ဆုံးကိုမောင့်ကို တစ်ခုခု ကျွေးမှရမည်။ လူက ဖြူသေးသေးလေးပါဆို ပျော့ခွေနေတာက ကြည့်မကောင်းပါ ။
"ကိုမောင်!!
ထ ရောက်ပြီ"
"အမ် "
"လာ ဒီနားက လ္ဘက်ရည်ဆိုင်မှာ တစ်ခုခု စားလိုက်အုန်း"
"မစားချင်ဘူး"
"မစားလို့မရဘူး
ဗိုက်ထဲမှာ ဘာမှမရှိတော့ဘူးလေ ကိုမောင်ရဲ့ "
သူရ တစ်ယောက် ကိုမောင့်ကို ခေါ်ကာ ကားဂိတ် အထွက်က လ္ဘက်ရည်ဆိုင်မှာ ထမင်းဆီဆမ်းနဲ့ ကြက်ဥကြော် မှာကျွေးရ၏။ ဒီလောက် အန်နေတာကို လ္ဘက်သုပ်စားချင်လို့ဂျီကျနေတာကတော့ ကိုမောင်ပါ တစ်ကယ့်ကို ကလေး တစ်ယောက်ကိုကျွေးရသလိုချော့လိုက်၊ငေါက်လိုက်နဲ့ ထမင်း တစ်ပန်းကန်ကုန်သွားလို့တော်သေးသည်။ထမင်း စားပြီး ဆိုက်ကား ငှားကာ ကိုမောင်ပြောတဲ့လိပ်စာ အတိုင်း နှစ်ယောက်သား ချီတက်သွားလိုက်သည်။ ထမင်းဝင်သွားပြီး ကားပေါ်က ဆင်းလာထဲက ကိုမောင်က လန်းသွားလို့တော်သေး၏။ အပြန်ကျရင်တော့ ကားခေါင်းထဲကပဲစီးဖို့ဆုံးဖြတ်ထားပါသည်။ နေ့ချင်း ပြန်ခရီးမို့ ကိုမောင် ပင်ပန်းနေမှာလည်းဆိုးတာပါ ။ သူကတော့ ကိစ္စမရှိပါ ။
YOU ARE READING
Always by your side (Completed)
Romanceတစ်ဘဝလုံးအတွက် မဟုတ်ဘဲနဲ့ ချစ်တယ်ဆိုတာကို ဘာလို့ပြောခဲ့တာလဲ # သူရလင်းထင် ငါ့ဘဝမှာ အချစ်ထက် ပညာက ပိုအရေးကြီးတယ် ပညာရှာချိန်မှာ အချစ်ကို မရှာ ချင်ဘူး #ပြည့်ဖြိုးမောင်
