Uni
"ပြွတ်စ် !!!
ထတော့လေ ကိုမောင်
ကျနော်ဗိုက်ဆာနေပြီဗျ"
သူရတို့ နှစ်ယောက် exam တွေအားလုံးလည်း ပြီးစီးပြီး အပြည့်အဝအနားယူနေသော ၄လပိုင်း နံနက်ခင်းလေးပါ ။တောင်လေ တွေက တိုက်လာပြီး သင်္ကြန် သီချင်းလေးတွေက မန်းလေး မြို့ကြီးမှာ မြိုင်မြိုင်ဆိုင်ဆိုင် ထွက်ပေါ်လာပါသည်။ အရမ်းကိုမှ စိတ်ချမ်းသာစရာ မနက်ခင်းလေးပါ ။ ကိုမောင်က သူ့ ရင်ခွင်ထဲမှာ အိပ်နေတာ နမ်းပြီးနိုးတာတောင် မထဘဲ ဆက်အိပ်နေ၏။ ဒီလို စိတ်အေးလက်အေး လေး ကိုမောင့်ကို အမြဲရှိစေချင်တာပါ ။ ကိုမောင်က သူ့ကို ပူရ သူစာမေးပွဲတွေ ပူရနဲ့ အခု ဘွဲ့ယူဖို့ ၁ပတ်သာ လိုတော့မို့ ဒေါက်တာ ပြည့်ဖြိုးမောင်တို့က လုံးဝ relax ပါ ။
"ပြွတ်စ် !!!ဖိုးသားလေး "
"ဗျာ "
"ခဏလေး ဆက်အိပ်အုန်းမယ်လေ "
"နေ့လည်မှ ဆက် အိပ်
ကျနော့်ကို နန်းကြီးသုပ်လိုက်ကျွေး"
"အင်း
ထူပေး "
ပြည့်ဖြိုးမောင်လည်း ရေချိုးခန်းဝင်ပြီး ရေချိုးမျက်နှာသစ် သန့်စင်ကာ အဝတ် လဲပြီး အဆင်သင့်ပြင်ထားလိုက်၏။ ဖိုးသားက ရေချိုးခန်း ထပ်ဝင်နေတာမို့ သူ့အတွက် အဝတ်အစားထုတ်ပေးထားလိုက်၏။
"ပုဆိုး ဝတ်ရမှာလား ကိုမောင် "
"အင်း "
နန်းကြီးသုပ် စားပြီးရင် စစ်ကိုင်း လိုက်ပို့"
"ဟုတ် ဘုရားဖူးသွားမှာလား "
"ဟုတ်တယ်တယ်
သင်္ကြန်ပြီးလို့ ရန်ကုန်ပြောင်းရင်
မန်းလေး ဘယ်တော့မှ ရောက်မယ်မသိ "
"ဟုတ် ဒါပေမယ့် ....ကိုမောင်!!
မန်းလေး နဲ့ ဖွားဖွားကို လွမ်းတဲ့အချိန် ကျနော်က လိုက်ပို့မှာပေါ့"
"ရွှတ်!! ဒါမှ ကိုမောင့် ဖိုးသားလေး "
သူရလည်းကိုမောင် လမ်းညွှန်ချက်ဖြင့် ၃၈ လမ်း ၊ ၈၀×၈၁ ကြားက နာမည်ကြီး နန်းကြီး သုပ်ဆိုင်ကို ချီတက်လိုက်၏။ သူရ က မန်းလေးက အစားအစာ တွေ အရမ်းကြိုက်တဲ့သူပါ ။ အခုလည်း နန်းကြီးသုပ် ၂ပွဲစားပြီး ဆိုင်ကယ် ဖြင့် စစ်ကိုင်းသို့ မောင်းလာလိုက်၏။ သူ့ချစ်သူကိုလည်း ခရီးဝေးမို့ ဆိုင်ကယ် ဘေးစောင်းမစီးစေဘဲခွပြီးစီးခိုင်းလိုက် ပါသည်။
YOU ARE READING
Always by your side (Completed)
Romanceတစ်ဘဝလုံးအတွက် မဟုတ်ဘဲနဲ့ ချစ်တယ်ဆိုတာကို ဘာလို့ပြောခဲ့တာလဲ # သူရလင်းထင် ငါ့ဘဝမှာ အချစ်ထက် ပညာက ပိုအရေးကြီးတယ် ပညာရှာချိန်မှာ အချစ်ကို မရှာ ချင်ဘူး #ပြည့်ဖြိုးမောင်
