Uni
"သဲ...မျက်နှာလည်း မကောင်းဘူး
ဘာဖြစ်တာလဲ "
"ဘာမှမဖြစ်ပါဘူး "
"တစ်ခုခု ဖြစ်နေပါတယ်
ယောကျာ်းကို မပြောလို့ ဘယ်သူ့ကို ပြောမှာလဲ "
ဆေးရုံက အလုပ်ဆင်းထဲက ကိုမောင့်မျက်နှာ မကောင်းတာပါ ။ မေးလို့မရတာမို့သူရ အတော်လေး ဒေါသ ထွက်နေပါပြီ။ ဒါပေမယ့်လည်း ပြောလိုက်ရင် ငိုတော့မယ့် မျက်နှာထားမို့ ကိုမောင့်ကို စိတ်ကျေနပ်အောင် လုပ်ပေးဖို့သာ စဥ်းစားလိုက်ပြီး ကိုမောင့်အကြိုက် လမ်း ၆၀ ရခိုင်မုန့်တီဆိုင်ကို ဦးတည်လိုက် ၏။
"ကြိုက်လား "
"အင်း ကောင်းတယ် အခုမှပဲပေါ့သွားတော့တယ် "
"အသုပ်တွေကော စားလေ
သဲရဲ့ "
"အင်း ညစာ အလွတ်စားမှာ
ဖိုးသားကကော "
"ရတယ် အိမ်ရောက်မှ "
ပြည့်ဖြိုးမောင်လည်း သူ့ကောင်လေးကို ငေးကြည့်လိုက်၏။ ဖိုးသားလေးကမစားပေမယ့် သူ့အ ကြိုက် တွေကို လိုက်ကျွေးရုံသာမက ဘေးကနေ သဘောတကျ ကြည့်နေပါသေးသည်။ တခါတခါ ဖိုးသားကို အရမ်း အားနာမိ၏။ အရာရာ သူ့အကြိုက်တွေ လိုက်လုပ်ပေးလွန်းလို့ပါ ။ သူ့ကိုသာ ပထမ နေရာမှာ ဦးစားပေး ၊ သူ့မျက်နှာသာ တကမ္ဘာ။ အခုလည်း သူစိတ်ညစ်နေမှန်းသိလို့သူကြိုက်တာလိုက်ကျွေးနေတာ ။
"တစ်ခုခု ဝယ်ကျွေးမယ်
ဘာစားချင်လည်း "
"ရတယ် သဲရယ်
ယောကျာ်း အိမ်ရောက်မှ ဖြစ်သလို စားလိုက်မယ် "
"မရပါဘူး"
ပြည့်ဖြိုးမောင်လည်း ဖိုးသား အကြိုက် ထမင်းကြော်ဆိုင်ကို မောင်းခိုင်းလိုက်ပြီး ထမင်းကြော် ၊ဝက်ခေါင်းသုပ်၊ ဝက်သားပြားကြော် တို့ကို ပါဆယ် ဆွဲလာခဲ့လိုက်သည်။ သူစိတ်ညစ်နေတာမို့ ထမင်းတောင်မစားတော့မယ့် သူ့ကောင်လေး ပါ ။ တကယ်တော့ သူက ဒီနေ့ဖေဖေ အကြောင်း ကြားပြီး အတော်စိတ်လေ နေတာ ။ ဖေဖေက ရောဂါ တော်တော်ဆိုးနေတာတဲ့ တေဇာက ဖုန်းဆက်ပြီးအကြောင်းကြား၏။ သူအရင်လုပ်ခဲ့တဲ့ ဆေးရုံမှာ တက်လိုက်၊ ဆင်းလိုက် ကြာနေပြီ ပြောတာပဲ ။အဲ့ဆေးရုံကသူ့သူငယ်ချင်းဆရာဝန်ကိုမေးကြည့်တော့ နှလုံး ရောဂါ မို့ အခြေအနေ ကတော့ အကောင်းကြီး မဟုတ်ဖူးလို့ ပြောလိုက်တာကြောင့် စိတ်မကောင်းဖြစ်နေ၏။ သူ့အပေါ် မကောင်းဘူးဆိုပေမယ့် အဖေက အဖေပဲလေ ။ မေမေတုန်းကလည်း ကြောက်လို့ပြေးရင်း ဆုံးတာတောင်မသိခဲ့ရတဲ့အဖြစ် ။ တစ်ဦးတည်း သားတစ်ယောက်အနေနဲ့ အဖေကော အမေကောရဲ့ ချစ်ခြင်းကို တခါမှမခံစားရပါ ။
أنت تقرأ
Always by your side (Completed)
العاطفيةတစ်ဘဝလုံးအတွက် မဟုတ်ဘဲနဲ့ ချစ်တယ်ဆိုတာကို ဘာလို့ပြောခဲ့တာလဲ # သူရလင်းထင် ငါ့ဘဝမှာ အချစ်ထက် ပညာက ပိုအရေးကြီးတယ် ပညာရှာချိန်မှာ အချစ်ကို မရှာ ချင်ဘူး #ပြည့်ဖြိုးမောင်
