Uni
"ဟောင့်သူရ !!!
အောက်ဆင်းပြီး ဘာလုပ်နေတာလဲ "
"ကိုမောင်စျေးသွားလို့စောင့်နေတာ "
သူရ ဒေါသ အတော်ထွက်နေပါပြီ ။ တနင်္ဂနွေနေ့စျေးသွားမယ်လည်း မပြောဘဲ note pad မှာ စာရေးထားခဲ့၏။ နံရံမှာချိတ်ထားတဲ့ ကားသော့လည်း မရှိတာမို့ ကားပါကင်တွင် စိတ်ပူစွာ စောင့်နေမိ၏။သူစောင့်နေတဲ့အချိန် အောင်အောင်နဲ့တိုးနေတာကြောင့် နှုတ်ဆက်နေရ၏။ လိပ်အဖြူရောင်လေး ကားပါကင်မှာ လာရပ်တော့မှ စိတ်အေးနိုင်တော့သည်။
"ပေး ပစ္စည်းတွေ "
"ကားနောက်ခန်းမှာ ဆန်အိတ်နဲ့ ဆီပုံးပါသေးတယ် "
"အားလုံးသယ်မယ်
ဒီလောက်အများကြီးကို ဘာလို့ မခေါ်တာလည်း တစ်ယောက်ထဲ တအားဟုတ်နေတယ်ပေါ့ "
"ဖိုးသားအိပ်နေလို့လေ "
"နိူးလိုက်ပြီးရော "
"အားနာလို့ "
"ဘာာာာ!!!!"
ပြည့်ဖြိုးမောင် စကားပြော မှားသွားတာ သတိ ထားမိသွားသည်။ ဖိုးသား စိတ်တိုကာမျက်နှာကရဲစပ်နေပြီး ရှိသမျှပစ္စည်းတွေကားပေါ်က သယ်ချနေ၏။သူကလည်းသူပါပဲ။ဆန်နဲ့ဆီတစ်လစာ ကုန်သွားတာ သတိရလို့သွားဝယ်လိုက်တာပါ ။
"ဖိုးသား !!!
ဗဟူးကွင်း မြီးရှည် ဝယ်လာတယ် "
"ရတယ် မစားဘူး "
"ယောကျာ်းကလည်း ဘာလို့ စိတ်ဆိုးတာလဲ
သဲနောက်တခါ ခေါ်မယ်လေ "
".........."
"ယောကျာ်းလို့ "
"မစားချင်ပါဘူးဆိုဗျာ
အမြဲ ပင်ပန်းမယ့်ကိစ္စတွေ တစ်ယောက်ထဲလုပ်
ပြီးမှ လာမချော့နဲ့
ခင်များအဲ့လိုပင်ပန်းတာတွေများများလုပ် ကျုပ် စိတ်ကုန်တော့မယ် "
သူရ လည်း မနက်ကြီးမှာ အဲ့လို ဆူဆူပူပူတွေ မလုပ်ချင်ပါဘူး ။ ဒါပေမယ့် ဝယ်လာတဲ့ ပစ္စည်းတွေကြည့်ပြီး ဒေါသက အလိုလို ထွက်လာ၏။ ဆန် ၆ပြည်တစ်အိတ်၊ ဆီ ၃ပိသာ တစ်ဘူး၊ ဟင်းချက်စရာ တွေက ၅ရက်စာ ၊ အသီးအရွက်တွေ အစုံအလင် ကျန်ကျောင်း အိတ်ကြီး သုံးလုံးတောင်ပါ၏။ တစ်စျေးလုံး ဝယ်လာတာလားမသိပါ ။ အခုတော့ မျက်ရည်တွေ ကျပြီး သူ့အိပ်ခန်းထဲဝင်သွားတော့သည်။ သူရလည်း ပစ် ပစ်ခါခါပြောပစ်လိုက်တာ နောက်မလုပ်ရဲအောင် ။ သူ့ကိုယ်သူအကြီးဆိုပြီး သူ့ကို အရမ်းညှာ တာကြောင့်ပါ ။အခုလည်းသူကြိုက်မှန်းသိလို့ယော ကျာ်းတွေ အသဲတွေ နဲ့မျိုးစုံ ချော့နေတော့၏။ သူကတော့ ကားသော့ယူပြီး မနက်စာ စားဖို့ မင်းသီဟ ကို ထွက်လာခဲ့လိုက်၏။
YOU ARE READING
Always by your side (Completed)
Romanceတစ်ဘဝလုံးအတွက် မဟုတ်ဘဲနဲ့ ချစ်တယ်ဆိုတာကို ဘာလို့ပြောခဲ့တာလဲ # သူရလင်းထင် ငါ့ဘဝမှာ အချစ်ထက် ပညာက ပိုအရေးကြီးတယ် ပညာရှာချိန်မှာ အချစ်ကို မရှာ ချင်ဘူး #ပြည့်ဖြိုးမောင်
