"DANCIN' On to Your Heartbeat"

အပိုင်း-၈

Unicode

"ငါမင်းကိုသဘောကျတယ်"

သူအရဲစွန့်ပြီးပြောလိုက်တဲ့ သည်စကား‌ကြောင့် Cheol ကခေတ္တမျှကြောင်နေသည်။ သူ့ကိုအတန်ကြာကြည့်ပြီး ပြုံးကာ

"အင်း ငါသိတယ်"

Jeonghan အံ့ဩမှုကြောင့် မျက်ဝန်းလေး ကျယ်သွားခဲ့သည်။ Cheol သိနေခဲ့တာလား၊ Cheol ရှေ့ရောက်ရင် ဖိတ်စဉ်သွားလုမတတ် မေတ္တာတွေ ထင်ရှားလာတဲ့အခါ

ဒလဟောမဖြစ်အောင် အမြန်ပိတ်ပင်ရပေမဲ့ သိသွားခဲ့တာပဲ။ Jeonghan ဆောက်တည်ရာမရ အံ့ဩနေမိသည်။ ခြေ၊လက်တွေက လှုပ်ရှားမရတော့ဘဲ ခြေချုပ်မိနေကာ Cheol ဘယ်လိုများ တုံ့ပြန်မလဲ ဆိုတာပဲ တွေးနေမိသည်။

"သွားရအောင် နောက်ကျနေပြီ"

"ဟမ် အင်း"

သူအလျင်အမြန်ပဲ ခေါင်းညိတ်လိုက်ပြီး ခုံပေါ်တင်ထားခဲ့တဲ့ လွယ်အိတ်ကို ကောက်လွယ်လိုက်သည်။ သူ Cheol ၏အဖြေကို သတိထားမိပြီထင်ပါတယ်။ စကား‌လမ်းကြောင်းကို အလွယ်လေးလွှဲလိုက်နိုင်သည့် Cheol ကြောင့် ဝမ်းနည်းလာရသည်။ ဘာမှထပ်မဆိုနိုင်တော့ဘဲ လျှောက်နေတဲ့ ခြေလှမ်းတွေက အရမ်းလေးလံနေသည်။

သိမ်းဆည်းထားတဲ့ မေတ္တာတွေကို ဖွင့်ဟချင်တဲ့စိတ်နဲ့ ရင်တွင်းတစ်နေရာက တုန်လှုပ်နေမိတဲ့ နှလုံးသားနဲ့ တန်ပြန်လွန်ဆွဲလာတဲ့အခါ လူတွေ ဘာကိုများ ရွေးချယ်ကြပါသလဲ။ သူကတော့ မိုက်ရူးရဲဆန်စွာပဲ ဖွင့်ဟမိပေမဲ့ အရာအားလုံး အစိတ်စိတ်အမွှာမွှာကွဲကြေသွားခဲ့ပြီ။ သည်စက်ကွင်းထဲက ပိတ်လှောင်ခံနေရပြီး သည်စက်ကွင်းကို ငြိတွယ်မိတဲ့အခါ သူ့အရာရာတိုင်း ခေါင်းညိတ်နေမိတယ်။ Cheol ကတော့ သူတိတ်ဆိတ်နေတာနဲ့ ဘာစကားမှကို ထပ်မဆိုတော့တာ အလိုက်သိပေးတယ်လို့ဆိုမလား၊ အသည်းမာတယ်လို့ပဲ ဆိုရမလား။ သူဝမ်းနည်းပက်လက်ငိုပစ်လိုက်ချင်ပေမဲ့ တုန်တုန်ရီရီနဲ့ပဲ ထိန်းချုပ်ထားခဲ့တယ်။

လူတစ်ယောက်ကိုချစ်တာက အတ္တတစ်ချိုပါဝင်ကောင်းပါဝင်နိုင်တယ်။ ဒါပေမဲ့ မေတ္တာကတော့ဖြူစင်ပါရဲ့။ ကျွန်တော့်ရဲ့ ကိုယ်၊ စိတ်၊ နှလုံး သုံးပါးစလုံး ပိုင်ဆိုင်နေတဲ့သူတစ်ယောက်ကို မည်မျှမေတ္တာသက်ဝင်ပါကြောင်း ထပ်ပြီးဖွင့်ဟခြင်းကင်းရှင်းတဲ့ ဘုံဘဝမှာ နေထိုင်လိုက်ပါတော့မယ်။ ရှေ့ဆက်ဖြစ်မဲ့အကျိုးဆက်ကို သေသေချာချာမစဉ်းစားဘဲ ဖွင့်ပြောခဲ့တဲ့ သူကမှားတာမဟုတ်လား။