Unicode
Jeonghan က ပါတီစစကနှင့်မတူ မျက်နှာမကောင်းတော့သည့် Jisoo ကို အကဲခတ်နေသည်။ ဂိမ်းတွေဆော့ရင်း အချိန်ကုန်မှန်းမသိကုန်သွားကာ ညနေ၆ခွဲပဲထိုးနေလေပြီ။ ဗိုက်ထဲမှာ ဆန္ဒတွေလည်း ပြနေကြပြီမလို့ မွေးနေ့ရှင် Wonwoo ကပဲ အားလုံးအတွက် ဒကာခံရသည်။ သို့သော် Wonwoo စိတ်ထဲ ရွှင်လန်းရပါသည်။ အခုလို သူ့မွေးနေ့ကို မဖြတ်သန်းဖူးတာကြောင့် Mingyu ကို တိတ်တိတ်ကလေး ကျေးဇူးတင်နေမိသည်။ သူငယ်ချင်းတွေမလာခင် အစားအသောက်ကြိုပြင်ထားရင် အေးသွားမှာကြောင့်ရယ်၊ ဘယ်သူက ဘယ်ဟာကြိုက် မကြိုက် မသိတာကြောင့်ရယ် ကြိုပြင်ထားခြင်းမလုပ်တော့။ အခုမှသာ အားလုံးစားမည်ဆိုသည့်ဟာကို Deli ဖြင့် လှမ်းမှာရသည်။ Deli မလာခင် စောင့်ရကျိုးနပ်အောင် သီချင်းဆိုကြမည်ဟု Hoshi နဲ့ Dino က တိုက်တွန်းသည်။ Jihoon က သူ့ဂစ်တာကို ထုတ်လိုက်ပြီး Jisoo ကို အချက်ပြပေမဲ့ Jisoo က စိတ်မပါသလို ခေါင်းခါပြသည်။ Jeonghan က Jisoo ကို လက်တို့ကာ
"ငါနဲ့ Jisoo သန့်စင်ခန်းခဏ သွားအုံးမယ်"
Jeonghan ကပြောတော့ Cheol မျက်လုံးတွေ ပြူးသွားကာ မက်တပ်ထရပ်သည်။ သူ့ကိုယ်သူ လက်ညှိုးထိုးပြကာသည့် Cheol က သူနဲ့သွားမယ်လေ ဟု အကြည့်တွေနဲ့ပြောနေသည်။ သို့သော် Jeonghan က မျက်နှာရိပ်မျက်နှာကဲဖြင့် Cheol အား Jisoo နဲ့ Seokmin ကို အကဲခတ်ကြည့်ရန်ပြသည်။ Seokmin ကတော့ အနည်းငယ်တွေတွေကလေး ဖြစ်နေသည်ကလွဲ၍ ဘာမျှမပြောပလောက်။ သို့ရာ Jisoo မျက်နှာက မိုးမှောင်ကျနေသည်။ အသိစိတ်လုံးဝ မရှိတော့သည့်လူတစ်ယောက်လို မှိုင်ဝေနေသည်။
Cheol လည်း ခေါင်းသာညိတ်ပြလိုက်မိသည်။ Jisoo က Jeonghan နောက်ကို လိုက်နေရပေမဲ့ ခြေလှမ်းတွေက ယိုင်တိယိုင်တိုင်။
"Jisoo"
Jeonghan ခေါ်တော့ ခေါင်းငုံ့ထားရာကနေ မော့ကြည့်လာကာ
" အင်း"
"Seokmin က အဲ့လိုပဲ အချိန်တော့ နည်းနည်းယူရလိမ့်မယ်"
"ငါအဲ့တာသိတယ်။ ဒါပေမဲ့ ငါအခုလို..."
ရပ်တန့်သွားသည့် Jisoo ရဲ့ စကားလုံးတွေကို Jeonghan စိတ်ရှည်ရှည်ပဲ စောင့်ဆိုင်းပေးလိုက်ပါသည်။
YOU ARE READING
"DANCIN' On to Your Heartbeat"
Romanceမင်းရဲ့ရင်ခုန်သံစည်းချက်အတိုင်း ငါက ကခုန်မယ်။ သည်ခံစားချက်တွေက မင်းပါးချိုင့်ပါးပါးအောက်မှာ စီးဝင်သွားတာမျိုး။ Yoon Jeonghan ငါတို့နှစ်ယောက် ရင်ခုန်သံတေးသွားတွေမှာ စီးချက်ညီညီ ဖြတ်သန်းကြည့်ရအောင်။ "မင်းနဲ့ပတ်သတ်ရင်"ဆိုတဲ့ စကားစုတွေကို ငါသိပ်သဘ...