"DANCIN' On to Your Heartbeat"

အပိုင်း-၁၇

Unicode

အမေနဲ့ စကားပြောကြည့်ဖို့ Cheol ကြိုးစားပေမဲ့ တမင်တကာ ရှောင်ဖယ်နေသူကြောင့် မဆိုသလောက် စိတ်ဆိုးမိရသည်။ ကြားထဲ Mid-term က မနက်ဖြန်ပင်။ သူတို့အထက်တန်း ဒုတိယနှစ်တွေအတွက် နှစ်လယ်စာမေးပွဲဟာ သိပ်ကိုအရေးပါလှပါသည်။ ကျောင်းသားတွေရဲ့ Mid-term အမှတ်တွေက တစ်နှစ်လုံးဂရိတ်တင်ကို ဆုံးဖြတ်ပေးသွားမှာမို့ လျော့တွက်လို့တော့မရ။ Cheol က အမေ့ကို စာမေးပွဲပြီးမှ စကားပြောကြည့်ရမလား စဉ်းစားပေမဲ့ နားရက်သိပ်မရတဲ့ အမေဖြစ်သူကြောင့် ထိုအတွေးကို ပယ်ဖျက်ခဲ့ရသည်။ Cheol အခု အမေ့ အခန်းတံခါးဝမှာ ရစ်သီရစ်သီဖြင့်။ တံခါးခေါက်ရမလား၊ လာရာလမ်းအတိုင်း လှည့်ပြန်ရမလား အတွေးတွေများနေခဲ့သည်။ သို့သော် စိတ်မြန်လက်မြန် Cheol က သက်ရှိုက်ပြင်းတစ်ခုချလိုက်ပြီး တံခါးကို နှစ်ဆင့်ခေါက်လိုက်သည်။ သူ လေပူတွေကို လွှတ်ထုတ်နေမိသည်။ ထိုနေ့ပြီးကတည်းက အမေနဲ့ စကားမပြောဖြစ်တာ သုံးရက်ရှိလေပြီ။ ခေတ္တအကြာ အခန်းတံခါးပွင့်လာပြီး Cheol မျက်နှာကိုမကြည့်ဘဲ အခန်းထဲပြန်ဝင်သွားသည်။ တံခါးကိုတော့ ဖွင့်လျက်သား ထားခဲ့သည်။ ဝင်လာချင် ဝင်လာလို့ ရသည် ဆိုသည့် အဓိပ္ပာယ်ဖြင့်။

"အမေ"

Cheol လေသံက အနည်းငယ်မျှ စိတ်ဆိုးဟန် ‌ပေါက်နေပါလိမ့်မည်။ Choi Nam Ra က

"သား အခုပြောမဲ့အကြောင်းအတွက် အမေ့အနေနဲ့ တိတိပပပြောပြီးသားနော်"

Laptop ဆီသာ အကြည့်ရောက်နေသည့် Choi Nam Ra က သားဖြစ်သူကို ထိုသို့ဆိုလေသည်။ Cheol က ခေါင်းခါကာ အမေ့ဆီသွားလိုက်ရင်း

"အမေကလည်း ကျွန်တော့်ကိုရွေးချယ်ခွင့်ပေးသင့်တယ်မလား"

"အမေ့ဘက်ကလည်း လွတ်လပ်စွာ ငြင်းငယ်ခွင့်ရှိတယ်မလား"

သူ့လေသံအတိုင်း တစ်ထေရာတည်းပြောလာသည့် သူမ,ကို Cheol မယုံကြည်နိုင်စွာ ကြည့်မိသည်။ သူ အမေ့ကို နားမလည်ခြင်းမဟုတ်ပါ၊ နားလည်ပါသည်။ အမေရခဲ့သည့် ဒဏ်ရာတွေအတွက်လည်း အဖေဖြစ်သူကို နာကျည်းမိပါသည်။ သို့သော် အဖေနှင့် သူမှာ တူညီမနေသည့် လူသားနှစ်ယောက်။ အဖေဖြစ်သူက အမေ့နှလုံးသားကို ချနင်းပြီး ယောကျ်ားတစ်ယောက်နဲ့ ဖောက်ပြန်ခဲ့သည် ဆိုတာ ခွင့်လွှတ်နိုင်ဖွယ် မရှိသည့် လုပ်ရပ်တစ်ခု။ သို့သော် Cheol မှာ သူ့နှလုံးသားတစ်ခုလုံးကို Jeonghan ‌ဆီသာပေးအပ်ခဲ့တာ။ မည်သူ့ကိုမှ စိတ်ကစားဖူးတာမရှိသလို ရင်ခုန်ခြင်းတွေက Jeonghan ဆီမှာ မွေ့လျော်နေခြင်းသာ။ အမေ့အနေနဲ့ Jeonghan အပေါ်ထားတဲ့ Cheol ရဲ့ သစ္စာရှိမှုတွေကို မြင်ပေးစေချင်ပါသည်။ အဖေဖြစ်သူနဲ့ Cheol ဟာ မည်သည့်နေရာမှာမှ တူညီနေခြင်းမရှိတာကို အမေနားလည်ပေးစေချင်ပါသည်။