Unicode
အခုရက်တွေထဲ Jeonghan ရဲ့ မိသားစုနဲ့ မထင်မှတ်ထားလောက်အောင် Cheol ရင်းနှီးလာခဲ့တယ်။ Cheol က Jeonghan အိမ်ကိုပဲ ခြေချင်းလိမ်နေသည်။ တချို့သောရက်တွေဆို Jeonghan အိပ်ခန်းထဲတောင် ဝင်အိပ်နေလေ့ရှိသည်။ အမေကတော့ ဘာမှမပြော၊ အဖေကလည်း အလုပ်ကိစ္စတွေသာ အာရုံစိုက်နေရတာကြောင့် သိပ်သတိမထားမိ။ Jeonghan က အတင့်ရဲလှသည့် Cheol ကြောင့် ရင်လေးနေရသည်။ သို့သော်လည်း ခဏတာသာ။ Cheol ရဲ့ ရင်ခွင်ထဲ ခိုနားလိုက်ရတဲ့ အခိုက်အတန့်တိုင်းမှာ ဗိုက်ထဲ လိပ်ပြာတွေသာမကပဲ အကောင်ပေါင်းစုံ ပလူပျံနေတော့တာ။ Cheol နဲ့သူက သတိမထားမိလောက်အောင် ချစ်ရည်ရွှမ်းနေခဲ့ကြတာ။ စစချည်းတွဲတုန်းက Cheol စနမ်းရင် သူ့မှာ ကျွမ်းထိုးမှောက်ခုန်ဖြစ်နေတာ။ မနေတတ်၊ မထိုင်တတ် နဲ့ ရင်ထဲယားကျိကျိလိုလို၊ ကလိလိလိုလို ခံစားချက်မျိုး။ အခုတော့ အနမ်းတွေမှာ အသားကျသွားသလိုလိုပါပဲ။ Cheol ကသိပ်လည်တယ်။ တစ်ခါတလေ သူကိုမြူဆွယ်ပြီး နမ်းမလိုလိုနဲ့ ပြန်ပြန်ရုတ်လိုက်တယ်။ သူကတော့ ဖိုးသိုးဖက်သက်ကြီး ကျန်ခဲ့ရတာပေါ့။ Cheol မနမ်းရင် မနေတတ်ဘူးဆိုတာသိလို့ လူဆိုးလေးက တမင်ယုတ်တာပါ။ တစ်နေ့မှာ အနည်းဆုံးနှစ်ခါလောက်ဖြစ်ဖြစ် Cheol ဆီကအနမ်းကို သူမျှော်လင့်မိပါသည်။
အခုလည်း လူဆိုးလေးက သူ့ကုတင်ပေါ် နိုင်ထက်စီးနင်း နေရာယူထားပုံများ။ ဂိမ်းဆော့နေတဲ့ လက်ချောင်းတွေက သွေးကြောတွေဆီ အကြည့်ရောက်မိတော့ ရင်တွေတဒိတ်ဒိတ်နဲ့ပါပဲ။ သည်လူသားကို ငါပိုင်နေရတာပါလား ဆိုတဲ့အတွေးက တစိမ့်စိမ့်ကြည်နူးရတာ။ မျက်နှာသစ်၊ သွားတိုက်နေတဲ့ Jeonghan ကို ဂိမ်းဆော့ရင်းစောင့်နေတဲ့ ဆံဖြူကောင်လေးက ဖက်ထုပ်လေးလို ညှစ်ပစ်ချင်စရာ။ အသည်းယားစွာ ရင်ခွင်ထဲ ပစ်လဲချမိတော့ ဂိမ်းတန်းလန်းနဲ့ ဖုန်းကို ကုတင်ဘေး ဖြစ်သလို ပစ်ချလိုက်ပြီး ဆံပင်တွေကို လာဖွတယ်။ နောက်တော့ လက်ချောင်းတွေက မျက်ခုံးမွှေးဆီ တဖြည်းဖြည်း ကူးသန်းလာတယ်။ Jeonghan အသာလေး ငြိမ်ခံနေရင်းကနေ သူ့မျက်ခုံးမွှေးကို ဆွဲထည့်လိုက်တဲ့ Cheol ကြောင့် အား ခနဲအော်မိရင်း ရင်ဘတ်ကျယ်ကျယ်ကို ရိုက်ထည့်လိုက်မိသည်။ လူကို ကလူတာလည်း ကလူပေါ့၊ အသားနာအောင်အထိ စ,စရာလား ဟုတွေးမိသည်။
"အသည်းယားလို့ပါကွာ၊ မင်းကလည်း"
"နာသွားတယ်လေ၊ မင်းအားကြီးနဲ့ ဆွဲထည့်တာ"
YOU ARE READING
"DANCIN' On to Your Heartbeat"
Romanceမင်းရဲ့ရင်ခုန်သံစည်းချက်အတိုင်း ငါက ကခုန်မယ်။ သည်ခံစားချက်တွေက မင်းပါးချိုင့်ပါးပါးအောက်မှာ စီးဝင်သွားတာမျိုး။ Yoon Jeonghan ငါတို့နှစ်ယောက် ရင်ခုန်သံတေးသွားတွေမှာ စီးချက်ညီညီ ဖြတ်သန်းကြည့်ရအောင်။ "မင်းနဲ့ပတ်သတ်ရင်"ဆိုတဲ့ စကားစုတွေကို ငါသိပ်သဘ...