"DANCIN' On to Your Heartbeat"

အပိုင်း-၁၉

Unicode

သည်​နေ့တင် Mid term ပြီးသွားသဖြင့် Mingyu တို့ ​ဆော်ဩထားတဲ့အတိုင်း ​ပျော်ပွဲရွှင်ပွဲစဖို့ပြင်သည်။ တစ်ချို့က​တော့ အပြင်​လျှောက်လည်ပြီး ရုပ်ရှင်ကြည့်ချင်ကြသည်။ တစ်ချို့ကလည်း တစ်​ယောက်​ယောက်အိမ်မှာ ဂိမ်း​ဆော့၊ မုန့်စားရင်း အမှတ်တရ ဖန်တီးချင်ကြသည်။ ဤသို့နှယ် မညီမျှမှု​တွေ​ကြောင့် ထုံးစံအတိုင်း မဲနှိုက် ​ရွေးချယ်ဖို့ပဲ ဆုံးဖြတ်လိုက်ရ​တော့၏။ ရုပ်ရှင်ကြည့်ချင်သည့် Hoshi က စည်း​ဖောက်စွာ မဲ​တွေအများကြီးကို ​ဘယ်သူမှ မမြင်ခင် ရေးထည့်လိုက်သည်။ ဒါကိုမြင်သွားသည့်သူမရှိဟု သူထင်မိ​ပေမဲ့Jihoon က Hoshi လှုပ်ရှားမှု​တွေကို အကုန်ဖမ်းမိလိုက်သည်။ အ​နေ​အေးသည့်သူပီပီ ဘာမှမ​ပြောဖို့ ဆုံးဖြတ်မိ​ပေမဲ့လည်း မသိစိတ်က Hoshi ဆီ သွားပြီး အသိ​ပေးဖို့ လှုံ့​ဆော်​နေသည်​ကြောင့် မဲခိုးဖို့ကြံ​နေသူဆီ Jihoon ​ရောက်သွားသည်။ 

"ငါမြင်လိုက်တယ်"

"ဘာလဲ ဘာလဲ"

"မင်းမဲလိပ်​တွေအများကြီးထည့်လိုက်...အွတ်!"

Jihoon စကားမဆုံး​သေး၊ ​ပြော​နေသည့်ပါးစပ်ကို Hoshi က လက်ဖဝါးနဲ့ ပိတ်အုပ်ပစ်သည်။ တကယ်တမ်း Jihoon ​လေသံမှာ မကျယ်​နေပါ။ သူတို့ကဲ့သို့ အာကျယ်၊ အာကျယ်ဖြင့်လည်း Jihoonမ​ပြောတတ်ပါ။ ရုတ်တရပ်ကြီး ပါးစပ်ကို လှမ်းရိုက်ခံရသကဲ့သို့ ဖြစ်သွားသည်​ကြောင့် အနည်းငယ်မျှ နာသွားသည်က အမှန်ပင်။ ထို့​ကြောင့် Hoshi ကိုဘာမှဆက်​ပြောမ​နေဘဲ တစ်ချက်မျှကြည့်ကာ Jihoon ထွက်သွားလိုက်မိသည်။ 

သူ့ကိုစိတ်ဆိုးသွားသလိုကြည့်ပြီး ထွက်သွားသည့် Jihoon ​ကြောင့် Hoshi အားနာသွားရသည်။ သူလက်ပါမိဖို့ မရည်ရွယ်ပါ၊ Seungkwan တို့ Seokmin တို့နဲ့ ​တစ်ဖန်ပေါင်းမိရင်း အကျင့်ပါသွားခြင်းဖြစ်သည်။ တကယ်တမ်းဆို Jihoon မှာ သူ့ကို ပညာပါရမီ ဖြည့်​ပေး​နေသူမဟုတ်ပါလား။ သူအခုလို ရိုင်းပျမိလို့ ​နောက်ခါ​တွေမှာ စာရှင်းမပြ​တော့ရင် နစ်နာရမည်မှာ သူကိုယ်တိုင်ပါပင်။ သူ အလျင်အမြန်ပင် Jihoon ​နောက်လိုက်သွားမိသည်။ သူ့စာသင်ခုံမှာလည်း မရှိ​တော့ဘဲ အပြင်ထွက်သွားတာ​ကြောင့် မမီမှာစိုး၍ ​ပြေးရင်းရှာမိသည်။