Unicode
Mid term က နှစ်ရက်ခွဲဖြေရသည်။ ပထမရက်မှာတော့ Jeonghan တို့ အုပ်စုဖြေနိုင်သည်ဟု ဆိုသည်။ ခုံတွေကို ရောကာ ခပ်ဝေးဝေးမှာ နေရာစီထားသည်ကြောင့် တစ်ယောက်နဲ့ တစ်ယောက် အဖြေတိုက်ရန်မလွယ်။ စာမေးပွဲစောင့် ဆရာကလည်း အထူး စည်းကမ်းကြီးကာ ကြပ်မတ်သည်မို့ တစ်ခါငေါက်လျှင်ပင် ဒူးတုန်ရသည်။ အရင်နှစ်ကနဲ့မတူဘဲ Jeonghan တို့ သူငယ်ချင်းတွေ ကိုယ့်အားကိုယ်ကိုးကာ ဖြေသည်။
Hoshi က နောက်ကျမှ ရောက်လာသူမို့ စာတွေလိုက်မီအောင် မနည်းကြိုးစားရပေမဲ့ အတူတူထိုင်သည့် Jihoon က ကူညီဖေးမပေးသည်ကြောင့် အဆင်ပြေချောမွေ့နေသည်။ သူ့သူငယ်ချင်းတွေကို စာနဲ့ပတ်သတ်ပြီး မေးခွန်းမထုတ်ချင်၊ သည်သကောင့်သားတွေက စာကလွဲပြီး ကျန်တာအကုန် ခေါင်းထဲ ထိုးသိပ်ထားကြတာ။
Mingyu လည်းဘာထူးလဲ။ အရင်က စာမေးပွဲနီးမှ ဖင်ဘူးတောင်းထောင်ပြီး စာကုန်းကျက်သည့်သူက Wonwoo နဲ့မှ အချိုးပြောင်းကာ Equations တွေတောင် ဒတ်ခနဲ အလွတ်ဖြေနိုင်နေပြီ။ Mid term အမှတ်ကောင်းရင် ပထမဆုံးအနမ်းပေးမည် ဟု ကတိပေးထား၍လည်း စိတ်ခွန်အားတွေရပြီး တက်ကြွနေလေသည်။
Seungkwan မှာ သူတို့အားလုံးထက် စာရသူဟု ပြောလို့ရသည်။ သူမရသည့် ဘာသာမှာ English စာ။ ထို့ကြောင့်လည်း အားရင်အားသလို Vernon ဆီက လေ့လာမှတ်သားရသည်။ သူကလည်း Vernon မရသည့် ဘာသာရပ်တစ်ချို့ကို တတ်နိုင်သလောက် ကူညီပေးသည်။
Seokmin ကတော့ အတန်းထဲက သူငယ်ချင်းတွေ တစ်ယောက်ချင်းစီကို အားကိုးရင်း စာမှတ်သည်။ မနေ့ကတောင် စာစုလုပ်မည်ဟု အမေ့ကို ကြော်ငြာကာ သူ့အိမ်တွင် လူထောင်လိုက်သေးသည်။ တကယ်တမ်း အာလာပသလာပ ထိုင်ပြောနေကြသည်သာ။ Joshua နဲ့လည်း မတွေ့ရတာ ကြာပြီမလို့ အိမ်ခေါ်လိုက်ခြင်းဖြစ်သည်။ ခါတိုင်းထက် ပါးရိုးနားလေးက ချောင်ကျသွားတာကြောင့် နေများမကောင်းဘူးလား ဟု ဝတ္တရားအရမေးချင်ပေမဲ့ ဝတ္တရားဟု မထင်မှာစိုး၍ အသာလေးနေလိုက်ရသည်။
တစ်ချို့တွေက သဘောရိုးဖြင့် ဂရုစိုက်ပေးမိရင် ကိုယ့်ဆီက တစ်စုံတစ်ခု မျှော်လင့်တတ်ကြတာမို့ Seokmin အရင်ကလောက် Joshua အပေါ် မနီးစပ်ချင်တော့ပေ။ သူ့စိတ်ထဲ Joshua နဲ့ ပတ်သတ်လို့ လုံးဝ ဗလာကျင်းနေသည်ကို လိပ်ပြာသန့်စွာ ယုံသည်။ Joshua ကို တစ်ခါမှ မချစ်ခဲ့သလို မချစ်ချစ်တာကြောင့် စောင့်ကြည့်ပါမည်ဟုလည်း အဖြေမပေးတော့ဘဲ တန်းငြင်းခဲ့မိတာ။
STAI LEGGENDO
"DANCIN' On to Your Heartbeat"
Storie d'amoreမင်းရဲ့ရင်ခုန်သံစည်းချက်အတိုင်း ငါက ကခုန်မယ်။ သည်ခံစားချက်တွေက မင်းပါးချိုင့်ပါးပါးအောက်မှာ စီးဝင်သွားတာမျိုး။ Yoon Jeonghan ငါတို့နှစ်ယောက် ရင်ခုန်သံတေးသွားတွေမှာ စီးချက်ညီညီ ဖြတ်သန်းကြည့်ရအောင်။ "မင်းနဲ့ပတ်သတ်ရင်"ဆိုတဲ့ စကားစုတွေကို ငါသိပ်သဘ...