Unicode
Cheol က Jeonghan အိမ်မှာ ထမင်းလက်ဆုံစားနေသည်။ Jeonghan အမေက သဘောကောင်းသူပီပီ Cheol ကို နွေးထွေးလှိုက်လှဲစွာကြိုဆိုသည်။ Jeonghan အဖေကတော့ အနေအေးတာကြောင့်ရယ်၊ ထမင်းဝိုင်းထဲ စကားပြောလေ့မရှိသည့်အကျင့်ကြောင့်ရယ် တည်တည်ငြိမ်ငြိမ်ဖြင့်သာ နားထောင်နေသည်။ သို့သော် Jeonghan အဖေက သူစိမ်းဆန်မနေပါ။ ရင်းနှီးနှစ်မြို့ဖွယ် အပြုံးမျိုးတို့ကြောင့် သဘောမနောကောင်းပြီး ဖော်ရွေတတ်သူဖြစ်ကြောင်း ထင်ရှားပါသည်။ အိမ်ကို ခါတိုင်း အလုပ်ချိန်ထက် ပိုပြီးစောစောရောက်လာတာကြောင့် Jeonghan တို့ အိမ်လေးက မြိုင်မြိုင်ဆိုင်ဆိုင်ဖြစ်လို့နေပါသည်။ Cheol ကို Jeonghan အမေက နေရမခက်အောင် စကားတွေပြောပေးနေသည်။ ထမင်းဝိုင်းမှာ Cheol အသံနဲ့ Jeonghan အမေအသံကသာ လွှမ်းခြုံလျက်ရှိသည်။
"သားကတစ်ယောက်တည်းနေတာဆိုတော့၊ ပျင်းနေမှာပဲလေ။ ဘေးအိမ်ကို လူသစ်ပြောင်းမလာတာ Jeonghan လေး အသက်တစ်ဝက်ရှိရော့မယ်။ အန်တီ့သားအရွယ်လေးပဲဟာ၊ ဂရုစိုက်ပေးရမှာပေါ့။ ဟုတ်လား"
"ဟုတ်ကဲ့ဗျ၊ မဟုတ်တောင် ကျွန်တော်က ဒီအိမ်၊ ဒီမိသားစုနဲ့ ရင်းနှီးချင်နေတာ"
"အချိန်မရွေးသားရေ လာလည်နော်"
Jeonghan အမေစကားကို အဖေဖြစ်သူက ထောက်ခံသလို ခေါင်းတဆတ်ဆတ်ညိတ်သည်။ Jeonghan က Cheol စကား အသွားအလာကို ရိပ်မိနေတာကြောင့် Cheol ကိုမသိမသာ၊ အံကြိတ်ပြမိတော့ ဆံဖြူကောင်ကပြုံးသည်။
"အရင်ရက်တွေက အန်တီလည်း မအားတာနဲ့ ထမင်းစားဖိတ်ချင်လို့ကို ရက်တွေနှောင့်နှေးကုန်တာ။ Jeonghan ကတော့ Cheol တို့အိမ်ဘက်ခဏ ဆိုပြီးထွက်ထွက်သွားတော့တာပဲ"
အမေကတော့ သဘောရိုးနဲ့ပြောလိုက်ပေမဲ့ အကြောင်းသိနှစ်ယောက်က တစ်ယောက်ကိုယ် တစ်ယောက်ကြည့်မိရင်း လူကြီးတွေရှေ့ မပေါ်အောင် ဖုံးဖိနေရသည်။ Cheol က
"Jeonghan နဲ့က စရောက်ကတည်းက ခင်သွားတာပဲ၊ Jeonghan ကပေါင်းသင်းဆက်ဆံရေး ကောင်းတယ်နော်"
YOU ARE READING
"DANCIN' On to Your Heartbeat"
Romanceမင်းရဲ့ရင်ခုန်သံစည်းချက်အတိုင်း ငါက ကခုန်မယ်။ သည်ခံစားချက်တွေက မင်းပါးချိုင့်ပါးပါးအောက်မှာ စီးဝင်သွားတာမျိုး။ Yoon Jeonghan ငါတို့နှစ်ယောက် ရင်ခုန်သံတေးသွားတွေမှာ စီးချက်ညီညီ ဖြတ်သန်းကြည့်ရအောင်။ "မင်းနဲ့ပတ်သတ်ရင်"ဆိုတဲ့ စကားစုတွေကို ငါသိပ်သဘ...